ന്യൂദല്ഹി: ഏറ്റവുംപുതിയ കണക്കനുസരിച്ച് സുപ്രീം കോടതിയില് ആകെ 95,936 കേസുകള് കെട്ടിക്കിടക്കുന്നുണ്ടെന്ന് നിയമ-നീതിന്യായ സഹമന്ത്രി അര്ജുന് റാം മേഘ്വാള് രാജ്യസഭയെ അറിയിച്ചു. ഇതില് 30വര്ഷമായ 26കേസുകളും 20 വര്ഷമായ 558 കേസുകളുമുണ്ട്. നാഷണല് ജുഡീഷ്യല് ഡാറ്റ ഗ്രിഡ് പ്രകാരമുള്ള കണക്കാണിത്. 10,094 കേസുകള് 10 വര്ഷത്തിലേറെയായും 24,611 കേസുകള് 5 വര്ഷത്തിലേറെയായും 49,248 കേസുകള് ഒരു വര്ഷത്തിലേറെയായും പരിഹരിക്കാതെയുണ്ട്.
25 ഹൈക്കോടതികളിലായി ആകെ 63.76 ലക്ഷം കേസുകളാണ് കെട്ടിക്കിടക്കുന്നത്. ഇതില് 80,634 കേസുകള് 30 വര്ഷത്തിലേറെയും 4.51 ലക്ഷത്തിലധികം കേസുകള് 20 വര്ഷത്തിലേറെയും16 ലക്ഷത്തിലധികം കേസുകള് 10 വര്ഷത്തിലേറെയും 29.51 ലക്ഷം കേസുകള് 5 വര്ഷത്തിലേറെയും 51.94 ലക്ഷം കേസുകള് ഒരു വര്ഷത്തിലേറെയും പഴക്കമുള്ളതാണ്.
രാജ്യത്തെ ജില്ലാ, സബോര്ഡിനേറ്റ് കോടതികളിലായി 4.98 കോടി കേസുകള് കൂടി കെട്ടിക്കിടക്കുന്നുണ്ട്.
സുപ്രീം കോടതിയില് കെട്ടിക്കിടക്കുന്നത് 95,936 കേസുകള്, ഹൈക്കോടതികളില് 63.76 ലക്ഷം, പലതും മുപ്പതോളം വര്ഷം പഴക്കമുള്ളവ
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.