ബംഗളൂരു: കര്‍ണാടക സംസ്ഥാനത്തെ വോട്ടര്‍ പട്ടികകളുടെ പ്രത്യേക തീവ്ര പരിഷ്‌കരണത്തിന് (എസ്‌ഐആര്‍) തിരഞ്ഞെടുപ്പ് കമ്മീഷന് നടത്തുന്ന നടപടികളെ ചോദ്യം ചെയ്ത് സമര്‍പ്പിച്ച റിട്ട്ഹര്‍ജി ഹൈക്കോടതി തള്ളി.
കരട് പട്ടിക പ്രസിദ്ധീകരിച്ചതിനുശേഷം ഉണ്ടാകാവുന്ന പ്രശ്നങ്ങള് മുന്‍നിര്‍ത്തിയാണ് ഹര്‍ജി സമര്‍പ്പിച്ചതെന്ന് കോടതി നിരീക്ഷിച്ചു.
എസ്ഐആറില്‍ നിന്ന് ഉണ്ടാകാവുന്ന പ്രശ്നങ്ങള് പരിഹരിക്കാന്‍ തിരഞ്ഞെടുപ്പ് കമ്മീഷന് അധികാരവും പ്രാപ്തിയുമുണ്ടെന്ന് ചീഫ് ജസ്റ്റിസ് വിഭു ബഖ്രു , ജസ്റ്റിസ് കെ.എസ്. ഹേമലേഖ എന്നിവരടങ്ങിയ ഡിവിഷന്‍ ബെഞ്ച് നിരീക്ഷിച്ചു.
‘എസ്ഐആറിന്റെ നടത്തിപ്പില്‍ നേരിടേണ്ടിവരുന്ന നടപടിക്രമങ്ങളുമായി ബന്ധപ്പെട്ട പ്രശ്നങ്ങള് പരിഹരിക്കാന്‍ തിരഞ്ഞെടുപ്പ് കമ്മീഷന് കഴിയില്ല എന്ന് വിലയിരുത്താന്‍ ഞങ്ങള്‍ക്ക് കാരണങ്ങളൊന്നുമില്ല. ഈ ഘട്ടത്തില്‍ ഒരു ഉത്തരവ് ഉചിതവുമല്ല.’ കോടതി വ്യക്തമാക്കി.
