തൊടുപുഴ : ഇടുക്കി ജില്ലയിലെ ഗോത്രകലകളിൽ പലതും അതിജീവനത്തിനായി വെല്ലുവിളികൾ നേരിടുകയാണെന്നും ഗോത്രകലാരൂപങ്ങളുടെ സംരക്ഷണത്തിനായി പ്രത്യേക പദ്ധതി നടപ്പിലാക്കണമെന്നും തപസ്യ ഇടുക്കി ജില്ലാ വാർഷിക സമ്മേളനം പ്രമേയത്തിലൂടെ ആവശ്യപ്പെട്ടു.
തൊടുപുഴ താലൂക്ക് എൻ എസ് എസ് യൂണിയൻ ഹാളിൽ ജൂലൈ 26 ഞായറാഴ്‌ച്ച നടന്ന സമ്മേളനം സാഹിത്യകാരൻ ബാബുരാജ് കളമ്പൂർ ഉദ്‌ഘാടനം ചെയ്തു. ജില്ലാ പ്രസിഡൻറ് വി കെ സുധാകരന്റെ അദ്ധ്യക്ഷതയിൽ നടന്ന സമ്മേളനത്തിൽ സംസ്‌കാർ ഭാരതി ദേശീയ നിർവ്വാഹകസമിതി അംഗം കെ ലക്ഷ്‌മീനാരായണൻ മുഖ്യപ്രഭാഷണം നടത്തി. തപസ്യ സംസ്ഥാന സമിതി അംഗം വി കെ ബിജു പദ്‌മശ്രീ പി നാരായണക്കുറുപ്പ് അനുസ്‌മരണ പ്രഭാഷണം നടത്തി.
കേന്ദ്രസർവ്വകലാശാലയിൽ MSW ഒന്നാം റാങ്ക് നേടിയ തപസ്യ അംഗം അജയ് എം കുഞ്ഞിക്കുട്ടനെ സമ്മേളനത്തിൽ മൊമെന്റോ നൽകി അനുമോദിച്ചു. അനൂപ് കുമാർ തൊടുപുഴ , സി എസ് ബിജു എന്നിവർ കവിതാലാപനം നടത്തി. ജില്ലാ സെക്രട്ടറി എം എം മഞ്ജുഹാസൻ, ജില്ലാ ട്രഷറർ അജിമോൻ എം ബി , എം എൻ ശശിധരൻ , ബിജു വി എം , എക്‌സിൻ കുമാർ , എ എൻ വിനോദ് എന്നിവരും പ്രസംഗിച്ചു.
പുതിയ ഭാരവാഹികളായി പി കെ രാധാകൃഷ്‌ണൻ ( രക്ഷാധികാരി ), വി കെ സുധാകരൻ ( പ്രസിഡണ്ട് ) , രമ പി നായർ, സതീഷ് പാഴൂപ്പിള്ളി ( വൈസ് പ്രസിഡന്റുമാർ ) എം എം മഞ്ജുഹാസൻ ( സെക്രട്ടറി ) , സന്തോഷ് ബാബു , സിജു ബി പിള്ള , എം എൻ ശശിധരൻ ( ജോയിന്റ് സെക്രട്ടറിമാർ ) , എം ബി അജിമോൻ ( ട്രഷറർ ) , സുനിൽ കെ മേനോൻ , ബിജു സി എസ് ( സമിതി അംഗങ്ങൾ ) എന്നിവരെ സമ്മേളനം തെരെഞ്ഞെടുത്തു.
