കണ്ണൂര്: അഞ്ചരക്കണ്ടി ഡെന്റല് കോളേജ് വിദ്യാര്ഥി നിതിന് രാജിന്റെ മരണത്തില് പ്രധാനപ്രതി ഡോ. എം കെ റാമിനെ റിമാന്ഡ് ചെയ്തു. തലശേരി കോടതിയുടേതാണ് നടപടി.ഡോ റാമിനെ കണ്ണൂര് സബ് ജയിലിലേക്ക് മാറ്റും.
കഴിഞ്ഞ ദിവസം ക്രൈം ബ്രാഞ്ച് ഇന്സ്പെക്ടര് ശ്രീജിത്ത് കൊടേറിയുടെ നേതൃത്വത്തിലുള്ള സംഘം റാമിനെ കുടകിലെ ഒളിയിടത്തില് നിന്നും കസ്റ്റഡിയിലെടുത്തിരുന്നു. എന്നാല് നടപടിക്രമങ്ങള് പാലിക്കാതെയുള്ള അറസ്റ്റെന്ന പ്രതിഭാഗം വാദത്തെ തുടര്ന്ന് കോടതി റാമിനെ വിട്ടയച്ചിരുന്നു.
തുടര്ന്ന് കോടതിക്ക് പുറത്തു വച്ച് റാമിനെ വീണ്ടും കസ്റ്റഡിയിലെടുത്ത ക്രൈം ബ്രാഞ്ച് സംഘം നോട്ടീസ് നല്കി വിട്ടയയ്ച്ചു.തലശേരി എസ് സി -എസ് ടി കോടതി അനുമതി നല്കിയതിനെ തുടര്ന്ന് ഇന്ന് വീണ്ടും ഡോ റാമിനെ അറസ്റ്റ് ചെയ്തു.
നിതിന് രാജ് ജീവനൊടുക്കി മൂന്നു മാസം പിന്നിടുമ്പോഴാണ് പ്രധാന പ്രതിയായ റാം പിടിയിലാകുന്നത്.
