ന്യൂദല്ഹി:: കോക്രോച്ച് ജനതാ പാര്ട്ടിയുടെ സമരത്തിനെതിരെ കേന്ദ്രസര്ക്കാരിനെ പിന്തുണച്ച് ഹേമമാലിനിയും കങ്കണ റണാവത്തും രംഗത്ത്. സിജെപിക്കാര് സര്ക്കാരുമായി ചര്ച്ചയ്ക്ക് തയ്യാറാവണം. അല്ലാതെ അക്രമപ്രവര്ത്തനങ്ങളില് ഏര്പ്പെടുകയല്ല വേണ്ടത്. – ഹേമമാലിനി പറഞ്ഞു.
“ഒരു പ്രശ്നമുണ്ടായാല് അതേക്കുറിച്ച് ചര്ച്ച ചെയ്യുകയാണ് വേണ്ടത്. ഈ രീതിയിലുള്ള അക്രമസമരം കൊണ്ട് ഒന്നും നേടാന് സാധിക്കില്ല. മോദി സര്ക്കാര് യുവാക്കള്ക്കൊപ്പം നില്ക്കുന്ന സര്ക്കാരാണ്. അതുകൊണ്ട് നിങ്ങള് ഇപ്പോള് നടത്തുന്ന ഈ സമരത്തില് യാതൊരു അര്ത്ഥവുമില്ല. ഈ പ്രശ്നം സംഭാഷണത്തിലൂടെ അവസാനിപ്പിക്കണം.” – ഹേമമാലിനി പ്രതികരിച്ചു.
സിജെപിയുടെ സമ്മര്ദ്ദതന്ത്രങ്ങള്ക്ക് മുന്നില് കേന്ദ്രസര്ക്കാര് വഴങ്ങിക്കൊടുക്കില്ലെന്നായിരുന്നു കങ്കണയുടെ പ്രതികരണം. “ഏത് മന്ത്രിയെ നിലനിര്ത്തണം, ഏത് മന്ത്രിയെ പുറത്താക്കണമെന്നൊന്നും ഈ സര്ക്കാരിനെക്കൊണ്ട് തീരുമാനമെടുപ്പിക്കാന് കഴിയുമെന്ന് ആരും കരുതേണ്ട”. – കങ്കണ പറഞ്ഞു.
ജനാഭിലാഷത്തിലൂടെ അധികാരത്തില് വന്ന സര്ക്കാരിന് എങ്ങിനെ ഭരിയ്ക്കാമെന്ന് അറിയാം. നിങ്ങള്ക്ക് അഭിപ്രായഭിന്നതയുണ്ടെങ്കില് തെരഞ്ഞെടുപ്പില് മത്സരിക്കൂ. – കങ്കണ വിമര്ശിച്ചു.
