പാലക്കാട്: മുന് മുഖ്യമന്ത്രി പിണറായി വിജയനെതിരെ തുറന്നടിച്ച് സ്വപ്ന സുരേഷ്.
പിണറായി വിജയന് യൂറോപ്പ്, യുഎസ്, മിഡില് ഈസ്റ്റ് രാജ്യങ്ങളില് നിക്ഷേപവും ബിസിനസ് സംരംഭങ്ങളും ഉണ്ടെന്ന് അവര് വാര്ത്താ ലേഖകരോട് വെളിപ്പെടുത്തി. ചികിത്സയുടെ പേരു പറഞ്ഞ് വിദേശ യാത്ര നടത്തുന്നത് ബിസിനസ് കാര്യങ്ങള് നോക്കാന് വേണ്ടിയാണ്. താനും പലതവണ അതിന്റെ ഭാഗമായി ദുബായിയില് പോയിട്ടുണ്ട്. അമേരിക്കന് പ്രസിഡന്റിന്റെ ഭാര്യ പ്രഥമ വനിത എന്ന നിലയില് അദ്ദേഹത്തോടൊപ്പം യാത്രചെയ്യുന്നത് പോലെയാണ് ഒരു സംസ്ഥാനത്തിന്റെ മുഖ്യമന്ത്രിയായിരുന്ന പിണറായി വിജയന്റെ ഭാര്യയും കൂടെ പോയിരുന്നത്. അതുകൊണ്ടാണ് എല്ലാ വിദേശ യാത്രകളിലും അവര് ഒപ്പം പോയിരുന്നത്.
പിണറായിയേക്കാള് ശക്ത ഭാര്യ (കമല)യാണ്. പിണറായിക്ക് ബിസിനസ് തന്ത്രങ്ങള് മെനയാനുള്ള ബുദ്ധിയോ സമയമോ ഇല്ല. പിണറായിയുടെ മകന് കുടുംബത്തില് യാതൊരു പ്രാധാന്യവും ഇല്ലെന്നും മകള്ക്കും ചെറുമകനുമാണ് പ്രാധാന്യമെന്നും സ്വപ്ന സുരേഷ് പറഞ്ഞു.
സത്യം വിളിച്ചുപറഞ്ഞതിന്റെ പേരിലാണ് താന് സംസ്ഥാനത്തുടനീളം കോടതികളില് ഓടിനടക്കുന്നത്. ഒരു ഫോണ് കോള് റിക്കാര്ഡ് മാധ്യമങ്ങള്ക്ക് കൈമാറിയതാണ് തനിക്കെതിരെ കേസെടുക്കാന് കാരണം. തനിക്കെതിരെ സംസാരിക്കുന്നവരെ ഇല്ലാതാക്കാനാണ് പിണറായി വിജയന് ശ്രമിക്കുന്നത്. മുന് മുഖ്യമന്ത്രി കാരണം തന്റെ കുടുംബജീവിതം തകര്ന്നു. പൊളിറ്റിക്കല് അജണ്ടയുടെ ഭാഗമായി തനിക്കെതിരെ കുറേ കേസെടുത്തു. നീതി ലഭിക്കുന്നത് വരെ പോരാടും.
എം.ആര്. അജിത്ത്കുമാറിന് സ്ഥാനക്കയറ്റത്തിനുള്ള യാതൊരു യോഗ്യതയും ഇല്ല. അയാള്ക്കെതിരെ എന്തുകൊണ്ട് ഇപ്പോഴും നടപടിയെടുക്കുന്നില്ലെന്നും സ്വപ്ന സുരേഷ് ചോദിച്ചു. ഞാന് പറഞ്ഞ കാര്യങ്ങള് ഇപ്പോള് തെളിഞ്ഞുകൊണ്ടിരിക്കുകയാണ്. ശിവശങ്കരന് ഇപ്പോഴും രഹസ്യമായി പിണറായിക്ക് വേണ്ടി പ്രവര്ത്തിക്കുന്നുണ്ട്. കുറിപ്പുകള് എഴുതിക്കൊടുക്കുന്നതും നിക്ഷേപങ്ങള് സംബന്ധിച്ച കാര്യങ്ങള് നോക്കുന്നതും ശിവശങ്കറാണ്. സര്ക്കാര് മാറിയത് കൊണ്ടാണ് കേരളത്തിലേക്ക് തിരിച്ചുവന്നത്. മുഖ്യമന്ത്രി വി.ഡി. സതീശനെ നേരില്ക്കണ്ട് രാഷ്ട്രീയപ്രേരിത കേസുകളില് നിന്ന് ഒഴിവാക്കണമെന്ന് ആവശ്യപ്പെടുമെന്നും സ്വപ്ന പറഞ്ഞു. വ്യാജ കേസില് ജാമ്യമെടുക്കുന്നതിനായി പാലക്കാട് കോടതിയില് എത്തിയതായിരുന്നു സ്വപ്ന.
