കൊല്ലം:ബാറില് മദ്യപിക്കാന് എത്തിയവരും ജീവനക്കാരും തമ്മില് സംഘര്ഷം.ഓച്ചിറയിലെ റീജന്സി ബാറില് ആണ് സംഭവം.സമയം കഴിഞ്ഞ് മദ്യം നല്കാത്തതിനെച്ചൊല്ലി ഉണ്ടായ തര്ക്കമാണ് അക്രമത്തില് കലാശിച്ചത്.
ബാറില് അതിക്രമിച്ചുകയറിയ സംഘം ജീവനക്കാരെ ആക്രമിക്കുകയും സോഡാക്കുപ്പികള് എറിഞ്ഞ് ചില്ലുകള് തകര്ക്കുകയും ചെയ്തു.
ഞായറാഴ്ച രാത്രി ബാര് പ്രവര്ത്തന സമയം കഴിഞ്ഞെത്തിയ സംഘം മദ്യം ആവശ്യപ്പെട്ടിരുന്നു.എന്നാല് മദ്യം നല്കാന് ജീവനക്കാര് വിസമ്മതിച്ചു.തുടര്ന്ന് തര്ക്കമുണ്ടായപ്പോള് പൊലീസ് എത്തി പ്രശ്നം പരിഹരിച്ചു യുവാക്കളെ മടക്കി അയച്ചു.
തുടര്ന്ന് തിങ്കളാഴ്ച വൈകിട്ടോടെ മലപ്പുറം രജിസ്ട്രേഷനിലുള്ള കാറിലെത്തിയ സംഘം ബാറിലെ ജീവനക്കാരെ കൈയേറ്റം ചെയ്യുകയും ബാര് അടിച്ചുതകര്ക്കുകയുമായിരുന്നു. സിസിടിവി ദൃശ്യങ്ങള് പുറത്തുവന്നു.
മദ്യക്കുപ്പികള് എറിഞ്ഞു പൊട്ടിക്കുന്നതും കസേര അടിച്ചു തകര്ക്കുന്നതുമായ ദൃശ്യങ്ങള് പുറത്തുവന്നു.ബാര് ജീവനക്കാരെ മര്ദിച്ചെന്നും പരാതിയുണ്ട്. ബാറുടമ നല്കിയ പരാതിയില് ഓച്ചിറ പൊലീസ് കേസെടുത്ത് അന്വേഷണം ആരംഭിച്ചു.
