ന്യൂദല്‍ഹി: കേരളത്തില്‍ സര്‍ക്കാര്‍ മാറിയിട്ടും സംസ്ഥാനത്തിന്റെ വികസനത്തിനു ഭൂമിയേറ്റെടുക്കുന്നതില്‍ പുരോഗതിയില്ല. സര്‍ക്കാര്‍ നിസഹകരണം മൂലം ചെയ്യാനാകുന്നതിന്റെ 10 ശതമാനം പോലും ചെയ്യാനാകുന്നില്ലെന്ന് കേന്ദ്ര റെയില്‍വെ മന്ത്രി അശ്വിനി വൈഷ്ണവ് പറഞ്ഞു. മറ്റു സംസ്ഥാന സര്‍ക്കാരുകള്‍ റെയില്‍ വികസന പദ്ധതികള്‍ വേഗത്തിലാക്കാന്‍ എന്തെല്ലാം ചെയ്യാമോ അതെല്ലാം ചെയ്യുന്നു. എന്നാല്‍ കേരളത്തില്‍ ഇത്തരത്തില്‍ ഒന്നും നടക്കുന്നില്ല. പദ്ധതികള്‍ നടപ്പാക്കുന്നതിന്റെ ക്രെഡിറ്റ് മോദി സര്‍ക്കാരിനു പോകുമെന്ന ചിന്തയാണ്. കേരളത്തിന്റെ വടക്കേ അറ്റം മുതല്‍ തെക്കേ അറ്റം വരെ മൂന്നര- നാല് മണിക്കൂറിലെത്താനാകുമോയെന്നാണ് താന്‍ ചിന്തിക്കുന്നതെന്നും അശ്വിനി വൈഷ്ണവ് പറഞ്ഞു.
റെയില്‍ വികസനത്തിനു ഭൂമിയേറ്റെടുക്കല്‍ പ്രക്രിയ പൂര്‍ണമായി കൈകാര്യം ചെയ്യാന്‍ റെയില്‍ ഭൂമി പോര്‍ട്ടല്‍ ആരംഭിക്കുമെന്ന് അദ്ദേഹം പറഞ്ഞു. റെയില്‍വെ ആപ്ലിക്കേഷനുകള്‍ പോര്‍ട്ടലുമായി സംയോജിപ്പിച്ചിട്ടുണ്ട്.
ജന്മഭൂമി ഓണ്‍ലൈന്‍