ന്യൂദല്ഹി: ലോകത്തില് ഏറ്റവും കൂടുതല് ബീഫ് ഉല്പ്പാദിപ്പിക്കുന്ന രണ്ടാമത്തെ രാജ്യമാണ് ഭാരതം എന്ന് പ്രധാനമന്ത്രി നരേന്ദ്ര മോദി അവകാശപ്പെട്ടെന്ന രീതിയില് സമൂഹമാധ്യമങ്ങളില് പ്രചരിക്കുന്ന വീഡിയോ വ്യാജം.പ്രസ് ഇന്ഫര്മേഷന് ബ്യൂറോയുടെ (PIB) ഫാക്റ്റ് ചെക്ക് വിഭാഗം ആണ് ഇക്കാര്യം വ്യക്തമാക്കിയത്.
പ്രധാനമന്ത്രി നരേന്ദ്ര മോദി അങ്ങനെയൊരു പ്രസ്താവന നടത്തിയിട്ടില്ല.അടുത്തിടെ നടത്തിയ ന്യൂസിലന്ഡ് സന്ദര്ശനത്തിനിടെ മോദി ഭാരതം ബീഫ് ഉത്പാദക രാജ്യമെന്ന് വിശേഷിപ്പിച്ചെന്ന രീതിയിലായിരുന്നു വാര്ത്ത പ്രചരിച്ചത്.
ഓക്ലന്ഡിലെ ചടങ്ങില് പ്രസംഗിക്കവെ, ലോകത്തിലെ ഏറ്റവും വലിയ രണ്ടാമത്തെ ‘ഗോതമ്പ്’ (Wheat) ഉല്പ്പാദക രാജ്യമാണ് ഭാരതം എന്നാണ് പ്രധാനമന്ത്രി പറഞ്ഞതെന്ന് പിഐബി അറിയിച്ചു.
40 വര്ഷങ്ങള്ക്ക് ശേഷം ആദ്യമായാണ് ഒരു ഇന്ത്യന് പ്രധാനമന്ത്രി ന്യൂസിലന്ഡ് സന്ദര്ശിച്ചത്.
