കിഫ്ബിയുടെ കടബാധ്യതയെ തള്ളിയും തള്ളുകള്‍ കുത്തിനിറച്ചും എല്‍ഡിഎഫിന്റെ ബദല്‍ ധവളപത്രം

തിരുവനന്തപുരം: യുഡിഎഫ് സര്‍ക്കാരിന്റെ ധവള പത്രത്തിനെതിരെ എകെജി പഠനകേന്ദ്രം തയ്യാറാക്കിയ ബദല്‍ ധവളപത്രം പുറത്തിറക്കി എല്‍ഡിഎഫ് . ‘വസ്തുതകളുടെ ധവളപത്രം’ എന്നു പേരിട്ട പുസ്തകം പ്രതിപക്ഷ നേതാവ് പിണറായി വിജയന്‍ പ്രകാശനം ചെയ്തു. സിപിഎം സംസ്ഥാന സെക്രട്ടറി എം വി ഗോവിന്ദന്‍ ഏറ്റുവാങ്ങി. കിഫ്ബി കടം സംസ്ഥാന സര്‍ക്കാരിന്റെ കടമേയല്ല എന്ന വാദത്തിലാണ് എല്‍ഡി എഫ് ധവള പത്രം ഊന്നല്‍ നല്‍കുന്നത്.
മുന്‍ യുഡിഎഫ് ഭരണത്തില്‍ സംസ്ഥാനത്തിന്റെ ആകെ കടബാധ്യത 1.93 മടങ്ങായി വര്‍ദ്ധിച്ചുവെന്നും എന്നാല്‍ ആദ്യ എല്‍ഡിഎഫ് ഭരണത്തില്‍ അത് 1.86 മടങ്ങായി കുറഞ്ഞുവെന്നും ഈ ധവള പത്രത്തില്‍ അവകാശപ്പെടുന്നു. പിന്നീടുള്ള അഞ്ചുവര്‍ഷം അത് 1.6 ആയി കുറയുകയാണ് ചെയതത്. ഈ വസ്തുത യുഡിഎഫ് സര്‍ക്കാര്‍ പൂര്‍ണ്ണമായി മറച്ചുവച്ച് ബോധപൂര്‍വ്വം തെറ്റിദ്ധാരണ പരത്താന്‍ ശ്രമിക്കുകയാണെന്ന് പ്രകാശന ചടങ്ങില്‍ പിണറായി വിജയന്‍ ആരോപിച്ചു.