തിരുവനന്തപുരം: പ്രതിപക്ഷ ഉപനേതൃ സ്ഥാനം വേണമെന്ന സി പി ഐയുടെ ആവശ്യവുമായി ബന്ധപ്പെട്ട് നടന്ന ചര്ച്ചയില് തീരുമാനമായില്ല.ഇരുപാര്ട്ടികളും തമ്മില് ചര്ച്ചകള് തുടരും.
മാധ്യമങ്ങളോട് പറയാന് പറ്റുന്ന വിധത്തില് തീരുമാനം ആയിട്ടില്ലെന്ന് എംഎന് സ്മാരകത്തിലെത്തി സിപിഐ നേതാക്കളെ കണ്ട ശേഷം എല്ഡിഎഫ് കണ്വീനര് ടി പി രാമകൃഷ്ണന് പറഞ്ഞു.സിപിഐക്കും സിപിഎമ്മിനും ഒരേ രാഷ്ട്രീയമാണെന്നും ചര്ച്ച ആ കാഴ്ചപ്പാടോടെയാണെന്നും സിപിഐ സംസ്ഥാന സെക്രട്ടറി ബിനോയ് വിശ്വവും പറഞ്ഞു
പ്രതിപക്ഷ ഉപനേതാവ് പ്രശ്നം സിപിഐ ഉന്നയിച്ചിട്ടുണ്ടെന്നും സിപിഎം നിലപാട് വ്യക്തമാക്കിയിട്ടുണ്ടെന്നും പറഞ്ഞ ടി പി രാമകൃഷ്ണന് ഇത് പരിഹരിക്കുന്നതിന് വേണ്ടിയുള്ള ശ്രമമാണ് നടക്കുന്നതെന്നും വ്യക്തമാക്കി. പ്രശ്നം പരിഹരിച്ച് മുന്നോട്ടുപോകും. ചര്ച്ചചെയ്യുന്ന കാര്യങ്ങള് പുറത്തു പറയുന്നത് തങ്ങളുടെ രീതിയല്ലെന്നും ടി പി രാമകൃഷ്ണന് പറഞ്ഞു.
