മുംബൈ: പ്രായപൂര്ത്തിയാകാത്ത സഹനടിയെ പീഡിപ്പിച്ചതിന് അറസ്റ്റിലായ ടിവി താരം രോഹിത് ചന്ദേല് (29) കുറ്റം സമ്മതിച്ചതായി പൊലീസ്. 16 വയസ്സുകാരി പെണ്കുട്ടി നല്കിയ പരാതിയെത്തുടര്ന്നാണ് രോഹിതിനെതിരെ പോക്സോ കേസെടുത്തതും അറസ്റ്റു ചെയ്തതും. നടന് നിലവില് റിമാന്ഡിലാണ്. ബിഎന്എസിലെ മറ്റ് വകുപ്പുകളും ഇയാള്ക്കെതിരെ ചുമത്തിയിട്ടുണ്ട്.
പാണ്ഡ്യ സ്റ്റോര്, കാശിഭായ് ബാജിറാവു ബല്ലാല് എന്നീ സീരിയലുകളിലൂടെയാണ് രോഹിത് ചന്ദേല് പ്രശസ്തനായത്.
രോഹിത് ഒന്നിലധികം നമ്പറുകള് വഴി തന്റെ മൊബൈല് ഫോണില് ആവര്ത്തിച്ച് വിളിക്കുകയും ഉപദ്രവിക്കുകയും ചെയ്തുവെന്ന് മൊഴിയില് പറയുന്നു. ജൂലൈ 5 ന് നടന് വീടിനു സമീപം വച്ച് പിന്തുടര്ന്ന് അധിക്ഷേപിക്കുകയും ശാരീരികമായി ആക്രമിക്കുകയും ചെയ്തു. ഇരുവരും പരിചയക്കാരാണെന്ന് പോലീസ് പറഞ്ഞു.
