ശ്രീനഗര്: ജമ്മു കശ്മീരിലെ ജനങ്ങളെ ഇന്ത്യയുടെ മറ്റ് ഭാഗങ്ങളില് നിന്ന് അകറ്റാന് ബോധപൂര്വ്വം ശ്രമിക്കുന്ന തരം പോസ്റ്ററുകള് പതിക്കുന്നത് യുഎപിഎ പ്രകാരമുള്ള കുറ്റം ചുമത്താന് പര്യാപ്തമാണെന്ന് ജമ്മു കശ്മീര് ഹൈക്കോടതി വിധിച്ചു.
ജസ്റ്റിസ് രജനീഷ് ഓസ്വാള് , ജസ്റ്റിസ് സഞ്ജയ് പരിഹാര് എന്നിവരടങ്ങിയ ഡിവിഷന് ബെഞ്ചാണ് ഇക്കാര്യം വ്യക്തമാക്കിയത്.
‘എല്ലായിടത്തും പ്രചരിക്കുന്ന പോസ്റ്ററുകളുടെ ഉള്ളടക്കം, അപ്പീല് നല്കുന്നവര്ക്കെതിരെ നിയമത്തിലെ സെക്ഷന് 13 പ്രകാരം കുറ്റം ചുമത്താന് പര്യാപ്തമാണ്. ഈ പോസ്റ്ററുകളുടെ വാചകത്തില്, ജമ്മു കശ്മീരിലെ തദ്ദേശവാസികളെ ഇന്ത്യയുടെ മറ്റ് ഭാഗങ്ങളില് നിന്ന് അകറ്റി നിര്ത്താന് ബോധപൂര്വമായ ശ്രമം നടന്നിട്ടുണ്ട്, ഇത് രാജ്യത്തിനെതിരെ അതൃപ്തി പ്രചരിപ്പിക്കുന്നവയാണ്. ‘ ഹൈക്കോടതി നിരീക്ഷിച്ചു.
