കാസർഗോഡ് നെല്ലിക്കുന്ന് കടപ്പുറത്ത് തലയില്ലാത്ത മൃതദേഹം കരയ്ക്കടിഞ്ഞു. പുരുഷന്റെ മൃതദേഹത്തിന് ഒരു മാസത്തിലധികം പഴക്കമുണ്ടെന്നാണ് നിഗമനം. മത്സ്യത്തൊഴിലാളികളാണ് മൃതദേഹം കണ്ടത്. സംഭവത്തിൽ ബേക്കൽ കോസ്റ്റൽ പൊലീസ് അന്വേഷണം ആരംഭിച്ചു.
തലവേർപ്പെട്ട നിലയിലാണ്. കാലിലെ മാംസഭാഗങ്ങളും വേർപ്പെട്ട് അസ്ഥികൾ പുറത്തേയ്ക്ക് തള്ളിയ അവസ്ഥയിലുമാണ്. നാട്ടുകാർ വിവരമറിയിച്ചതിനെ തുടർന്ന് ടൗൺ പൊലീസ് സ്ഥലത്തെത്തി. തലവേർപ്പെട്ടതാണ് ദുരൂഹതയ്ക്ക് ഇടയാക്കുന്നത്. മുങ്ങിമരണമാണെങ്കിൽ തല മാത്രം മൃതദേഹത്തിൽ നിന്നു വേർപ്പെട്ട് പോകാൻ സാധ്യതയില്ലെന്ന് പറയുന്നു. എവിടെയെങ്കിലും കുഴിച്ചിട്ട മൃതദേഹം തിരമാലയിൽപ്പെട്ട് ഒഴുകിയെത്തിയതാണോയെന്നും സംശയിക്കുന്നു.
