കൊച്ചി :മൂവാറ്റുപുഴയാറില് ഇന്നലെ അമ്മയുടെയും കുഞ്ഞിന്റെയും മൃതദേഹങ്ങള് കണ്ടെത്തിയ സംഭവത്തില് മരിച്ചത് ഒരു കുടുംബത്തിലെ മൂന്ന് പേരെന്ന് പൊലിസ്. യുവതിയുടെ ഭര്ത്താവ് മൂവാറ്റുപുഴ സ്വദേശി നാരായണന്റെ മൃതദേഹം ശനിയാഴ്ച കണ്ടെത്തി.കാണാതായ 13 വയസുകാരിക്ക് വേണ്ടി പൊലീസ് തെരച്ചില് നടത്തുകയാണ്.
മരിച്ച പായിപ്ര സ്വദേശിനി വിജിമോള്ക്ക് കാഴ്ച പരിമിതി ഉണ്ടായിരുന്നു.പിറവത്തേക്ക് വന്ന കുടുംബം ഹോട്ടലില് നിന്ന് ഭക്ഷണം കഴിക്കുകയും സന്തോഷത്തോടെ തിരിച്ചു പോകുന്നതുമടക്കമുള്ള സിസിടിവി ദൃശ്യങ്ങളടക്കം കണ്ടെത്തി. പിന്നീട് വൈകുന്നേരമാണ് അമ്മയുടെയും കുഞ്ഞിന്റെയും മൃതദേഹം ഒഴുകിവരുന്നത് കണ്ടെത്തിയത്. ആദ്യ ഘട്ടത്തില് ഇവര് ആരെന്ന് തിരിച്ചറിയാന് സാധിച്ചിരുന്നില്ല.പിന്നീടാണ് മൂവാറ്റുപുഴ സ്വദേശികളാണെന്ന് വ്യക്തമായത്.
പുഴയിലൂടെ മൃതദേഹങ്ങള് ഒഴുകിവരുന്നത് കണ്ട് നാട്ടുകാരാണ് പൊലീസില് വിവരമറിയിച്ചത്. പൊലീസെത്തി മൃതദേഹങ്ങള് കരയ്ക്ക് മാറ്റി. പിറവം മുളക്കുളം പാലത്തിന് സമീപമാണ് മൃതദേഹങ്ങള് ഒഴുകിനടക്കുന്ന നിലയില് കണ്ടെത്തിയത്. ഇന്ക്വസ്റ്റ് നടപടികള്ക്ക് ശേഷം മൃതദേഹങ്ങള് പിറവം താലൂക്ക് ആശുപത്രി മോര്ച്ചറിയിലേക്ക് മാറ്റി. അപകടത്തില് പെട്ടതാണോ, ആത്മഹത്യ ആണോ എന്ന് വ്യക്തമല്ല.
