കോട്ടയം: പാലാ നഗരസഭാ ഭരണത്തില്‍ യുഡിഎഫ് ജില്ലാ നേതൃത്വം വെട്ടിലായി. ബിനു പുളിക്കക്കണ്ടം നേതൃത്വം നല്‍കുന്ന സ്വതന്ത്ര കൂട്ടായ്‌മയുമായി ധാരണ ഉണ്ടാക്കിയത് യുഡിഎഫ് ജില്ലാ നേതൃത്വമാണ്. എന്നാല്‍ മണ്ഡലം കോണ്‍ഗ്രസ് കമ്മിറ്റിയും കോണ്‍ഗ്രസ് കൗണ്‍സിലര്‍മാരും നഗരസഭാധ്യക്ഷ ദിയ ബിനു പുളിക്കക്കണ്ടത്തിനുള്ള പിന്തുണ പിന്‍വലിക്കാന്‍ തീരുമാനിച്ചതോടെ അനുനയശ്രമങ്ങള്‍ വഴിമുട്ടി. അതിനിടെയാണ് എല്‍ഡിഎഫ് അവിശ്വാസത്തിന് നോട്ടീസ് നല്‍കിയത്. അവിശ്വാസപ്രമേയത്തിന്‍മേല്‍ കോണ്‍ഗ്രസ് കൗണ്‍സിലര്‍മാര്‍ എന്തു നിലപാടെടുക്കുമെന്ന ആശങ്കയിലാണ് ജില്ലാ നേതൃത്വം. അവിശ്വാസം ഈ മാസം 21 നാണ് ചര്‍ച്ചയ്‌ക്ക് എടുക്കുക.
അതേസമയം എല്‍ഡിഎഫിന്‌റെ പുറത്തുനിന്നുള്ള പിന്തുണയില്‍ നിലവില്‍ പാലാ നഗരസഭാ വൈസ് ചെയര്‍പേഴ്‌സണും കോണ്‍ഗ്രസ് വിമതയുമായ മായാ രാഹുലിനെ അധ്യക്ഷ സ്ഥാനത്തേക്കു കൊണ്ടുവരാനുള്ള നീക്കങ്ങളിലാണ് കോണ്‍ഗ്രസ് കൗണ്‍സിലര്‍മാര്‍. പുളിക്കക്കണ്ടം കുടുംബത്തെ ഭരണത്തില്‍ നിന്ന് പുറത്താക്കാനുള്ള പദ്ധതിയെ ബദ്ധ ശത്രുവായ ജോസ് കെ മാണി പിന്തുണയ്‌ക്കുമെന്നാണ് ആസൂത്രകനായ കൗണ്‍സിലര്‍ പ്രചരിപ്പിക്കുന്നത്.
പാലാ നഗരസഭ: ‘പൊതുശത്രു’വായ പുളിക്കക്കണ്ടത്തെ വീഴ്ത്താന് എല്‍ഡിഎഫിന്‌റെ സഹായം തേടി കോണ്‍ഗ്രസ് കൗണ്‍സിലര്‍മാര്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.