കോട്ടയം: പാലാ നഗരസഭയില് ചെയര് പേഴ്സണ് ദിയ ബിനുവിനെതിരെ എല്ഡിഎഫ് കൊണ്ടുവന്ന അവിശ്വാസപ്രമേയത്തിന് അനുകൂലിച്ച കോണ്ഗ്രസ് കൗണ്സിലര്മാരായ രജിത പ്രകാശ്, ലിസ്സിക്കുട്ടി മാത്യു, ടോണി തൈപ്പറമ്പില്, ബിജു മാത്യു എന്നിവരെ പാര്ട്ടിയുടെ പ്രാഥമിക അംഗത്വത്തില്നിന്ന് കെ.പി.സി.സി. പ്രസിഡന്റിന്റെ നിര്ദ്ദേശത്തെത്തുടര്ന്ന് നീക്കം ചെയ്തതായി ഡി.സി.സി. പ്രസിഡന്റ് നാട്ടകം സുരേഷ് എം എല് എ അറിയിച്ചു.
ഇവരുടെ കൗണ്സിലര് സ്ഥാനം നഷ്ടപ്പെടുത്തുന്നതിന് നിയമ നടപടി സ്വീകരിക്കുമെന്നും നാട്ടകം സുരേഷ് പറഞ്ഞു.
ഔദ്യോഗികമായി സെബാസ്റ്റ്യന് പനയ്ക്കല്, റിയ ചീരാംകുഴി എന്നീ രണ്ട് കൗണ്സിലര്മാര് മാത്രമാണ് ഇനി കോണ്ഗ്രസിന് നഗരസഭയിലുള്ളത്.
പാര്ട്ടി വിരുദ്ധ പ്രവര്ത്തനത്തിന് പുറത്താക്കപ്പെട്ട നഗരസഭ വൈസ് ചെയര്പേഴ്സണ് മായ രാഹുലിനെ കഴിഞ്ഞ ദിവസമാണ് കോണ്ഗ്രസ് തിരിച്ചെടുത്തത് . മായയും എല്ഡിഎഫിനെ പിന്തുണച്ചുവെങ്കിലും സ്വതന്ത്ര അംഗമെന്ന നിലയില് അവര്ക്കെതിരെ നടപടിയെടുക്കാന് നിയമപ്രശ്നമുണ്ട്. കോണ്ഗ്രസിനു മാത്രമല്ല, കൗണ്സിലര്മാരില് ആര്ക്കുവേണമെങ്കിലും തെരഞ്ഞെടുപ്പ് കമ്മീഷനെ സമീപിക്കാമെന്നതിനാല് പുറത്താക്കപ്പെട്ട കൗണ്സിലര്മാര്ക്ക് അധിക കാലം നഗരസഭാംഗമായി തുടരാന് കഴിയില്ല.
വിപ്പ് ലംഘനം: പാല നഗരസഭയിലെ 4 കൗണ്സിലര്മാരെ കോണ്ഗ്രസ് പാര്ട്ടി പ്രാഥമിക അംഗത്വത്തില് നിന്ന് നീക്കി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.