ന്യൂയോര്‍ക്ക് : മൈക്രോസോഫ്റ്റ് തങ്ങളുടെ 4,800 ജീവനക്കാരെക്കൂടി ഒഴിവാക്കുന്നു. കാര്യക്ഷമത മെച്ചപ്പെടുത്തുന്നതിന് എ ഐ അടക്കമുള്ള സാങ്കേതികവിദ്യ വ്യാപകമായി ഉപയോഗപ്പെടുത്തുന്നതിന്‌റെ ഭാഗമാണ് ഈ കൂട്ടപ്പിരിച്ചുവിടല്‍. എ ഐയിലേക്ക് കൂടുതല്‍ നിക്‌ഷേപിക്കേണ്ടിവരുമെന്നും ഒഴിവാക്കുന്ന ജീവനക്കാരുടെ ശമ്പളം അതിനു മുതല്‍ക്കൂട്ടാവുമെന്നുമാണ് കമ്പനിയുടെ കണക്കുകൂട്ടല്‍. എ ഐ ചെലവുകള്‍ ഈ വര്‍ഷം 700 ബില്യണ്‍ ഡോളറിനു മുകളില്‍ എത്തുമെന്നാണ് കമ്പനി കരുതുന്നത്. ഈ വര്‍ഷം ആദ്യം മൈക്രോസോഫ്റ്റ് തങ്ങളുടെ യുഎസ് ജീവനക്കാരില്‍ ഏകദേശം 9,000 പേരെ ഒഴിവാക്കിയിരുന്നു. ആമസോണും മെറ്റാ പ്ലാറ്റ്ഫോമുകളും ഈ വര്‍ഷം ആയിരക്കണക്കിന് ജീവനക്കാരെയാണ് പിരിച്ചുവിട്ടത്.
