തിരുവനന്തപുരം: മുഖ്യമന്ത്രി വിഡി സതീശന്റെ എഐ വീഡിയോ മെറ്റ നീക്കിയത് പൊലീസിന്റെ ആവശ്യപ്രകാരം. നാല്‍പ്പതിലേറെ വീഡിയോകള്‍ നീക്കം ചെയ്യാന്‍ പൊലീസ് ആവശ്യപ്പെട്ടിരുന്നു. മുഖ്യമന്ത്രിയുടെ എഐ വീഡിയോയ്‌ക്കെതിരെ വ്യാപക പരാതികള്‍ ഉയര്‍ന്നതിനാലാണ് നീക്കം ചെയ്യാന്‍ ആവശ്യപ്പെട്ടതെന്ന് പൊലീസ് പറഞ്ഞു.
സംസ്ഥാനത്തെ രൂക്ഷമായ വൈദ്യുതി പ്രതിസന്ധിയില്‍ മുഖ്യമന്ത്രി ഉള്‍പ്പെടെയുള്ളവര്‍ക്കെതിരെ വ്യാപക വിമര്‍ശനം ഉയര്‍ന്നിരിക്കെ ആണ് മുഖ്യമന്ത്രി വി ഡി സതീശന്‍ നൃത്തം ചെയ്യുന്ന എഐ വീഡിയോ പുറത്തുവരുന്നത്. ഇത് വ്യാപകമായി പ്രചരിക്കപ്പെട്ടു. വീഡിയോ പുറത്തിറങ്ങി ദിവസങ്ങള്‍ക്കുള്ളില്‍ തന്നെ ഇന്ത്യയില്‍ കാണാന്‍ കഴിയാത്ത നിലയില്‍ മെറ്റ അത് നീക്കം ചെയ്യുകയായിരുന്നു. വീഡിയോ ഇന്ത്യയില്‍ നിലവിലുള്ള ഐടി നിയമങ്ങള്‍ക്ക് വിരുദ്ധമെന്ന് കാട്ടിയായിരുന്നു മെറ്റയുടെ നടപടി.
നൃത്തം ചെയ്യുന്ന വീഡിയോ തനിക്ക് ഇഷ്ടപ്പെട്ടെന്നും എന്നാല്‍ ഇതില്‍ ചില നിയമപ്രശ്‌നങ്ങള്‍ ഉണ്ടെന്നും മുഖ്യമന്ത്രി ഇതിനോട് പ്രതികരിച്ചത്.’നന്നായി ഡാന്‍സ് കളിക്കുന്ന സാക്ഷാല്‍ മോഹന്‍ലാലിനേക്കാളും എന്റെ സുഹൃത്തും തമിഴ്‌നാട് മുഖ്യമന്ത്രിയുമായ വിജയേക്കാളുമൊക്കെ മികച്ച രീതിയിലാണ് ഞാന്‍ അതില്‍ ഡാന്‍സ് കളിക്കുന്നത്. കണ്ട് ഞാന്‍ ശരിക്കും ഞെട്ടിപ്പോയി. ആ തലത്തിലാണ് ആളുകള്‍ ഇപ്പോള്‍ എഐ ഉപയോഗിച്ച് ഉള്ളടക്കങ്ങള്‍ നിര്‍മ്മിക്കുന്നത്.’
