കോട്ടയം: പാലാ നഗരസഭാ ഭരണം ഉപേക്ഷിക്കാനുറച്ച് കോണ്‍ഗ്രസ് കൗണ്‍സിലര്‍മാര്‍. സ്വതന്ത്ര കൂട്ടായ്‌മയ്‌ക്കുള്ള പിന്തുണ പിന്‍വലിക്കുമെന്ന ഭീഷണി ഉയര്‍ത്തുകയും ചെയ്തു. അത്മാഭിമാനം പണയം വച്ച് ഇങ്ങനെ തുടരാനാവില്ലെന്ന് പാര്‍ലമെന്‌ററി പാര്‍ട്ടി യോഗം വ്യക്തമാക്കി. തീരുമാനം ഔദ്യോഗികമായി പാര്‍ട്ടി നേതൃത്വത്തെ അറിയിക്കുമെന്ന് കൗണ്‍സിലര്‍മാര്‍ പറഞ്ഞു.
പാലാ കൊട്ടാരമറ്റം സ്റ്റാന്‍ഡ് ഡിവൈഎഫ്ഐ സമ്മേളനത്തിനായി വിട്ടുനല്‍കുന്നതുമായി ബന്ധപ്പെട്ട് നഗരസഭാ കൗണ്‍സില്‍ യോഗത്തിനിടെ ഉണ്ടായ തര്‍ക്കമാണ് ഈ നിലപാടിലേക്ക് എത്തിച്ചത്. സ്വതന്ത്ര കൂട്ടായ്‌മയിലെ രണ്ട് അംഗങ്ങള്‍ പങ്കെടുക്കാഞ്ഞതിനെത്തുടര്‍ന്ന് ഇതു സംബന്ധിച്ച പ്രതിപക്ഷ പ്രമേയം പാസായിരുന്നു.
സ്വതന്ത്ര കൂട്ടായ്‌മയുമായി ഇനി ഒരുതരത്തിലും മുന്നോട്ടുപോകാനാകില്ലെന്നാണ് കോണ്‍ഗ്രസ് കൗണ്‍സിലര്‍മാരുടെ നിലപാട്.
