മലപ്പുറം : മന്ത്രിമാരുടെ പേഴ്സണല് സ്റ്റാഫ് നിയമനത്തില് പ്രതിഷേധിച്ച യൂത്ത് ലീഗിനെ തള്ളി മുസ്ലിം ലീഗ് നേതൃത്വം.യൂത്ത് ലീഗിന്റെ പരാതി കാര്യമായി എടുക്കുന്നില്ല. അപേക്ഷ നല്കുന്ന എല്ലാവരെയും മന്ത്രിമാരുടെ പേഴ്സണല് സ്റ്റാഫില് ഉള്പ്പെടുത്താന് കഴിയില്ലെന്നും ലീഗ് മലപ്പുറം ജില്ലാ ജനറല് സെക്രട്ടറി അബ്ദുല് ഹമീദ് പറഞ്ഞു.
യൂത്ത് ലീഗ് മലപ്പുറം ജില്ലാ പ്രവര്ത്തകസമിതിയിലാണ് മന്ത്രിമാര്ക്ക് എതിരെ രൂക്ഷവിമര്ശനം ഉണ്ടായത്.
മന്ത്രിമാര് യൂത്ത് ലീഗ് ഉള്പ്പെടെ സംഘടിപ്പിക്കുന്ന പരിപാടികള്ക്ക് എത്തുന്നില്ലെന്നും പരാതി ഉയര്ന്നിരുന്നു.
മുസ്ലീം ലീഗ് മന്ത്രിമാര് ഉപജാപങ്ങളുടെ പിടിയിലായി. പാര്ട്ടിയെ ധിക്കരിച്ചാണ് മന്ത്രിമാര് മുന്നോട്ട് പോകുന്നതെന്നും യൂത്ത് ലീഗ് മലപ്പുറം ജില്ലാ പ്രവര്ത്തകസമിതി യോഗത്തില് വിമര്ശനം ഉയര്ന്നിരുന്നു.
