കോട്ടയം:ഡി വൈ എഫ് ഐ സമ്മേളനത്തിന് കൊട്ടാരമറ്റം സ്റ്റാന്ഡ് വിട്ടുനല്കുന്നതുമായി ബന്ധപ്പെട്ട് പാലാ നഗരസഭ കൗണ്സില് യോഗത്തില് ശക്തമായ വാഗ്വാദം.കോണ്ഗ്രസ് ശക്തമായി എതിര്ത്തിട്ടും അത് മറികടന്ന് വോട്ടെടുപ്പിലൂടെയാണ് കൗണ്സില് ഡി വൈ എഫ് ഐയുടെ ആവശ്യത്തിന് അനുമതി നല്കിയത്.
കൗണ്സില് യോഗത്തില് ഭരണപക്ഷത്തിന് ഭൂരിപക്ഷം ഇല്ലാതിരുന്നതിനാലാണ് വോട്ടെടുപ്പ് നടന്നത്.സ്വതന്ത്ര കൂട്ടായ്മ കൗണ്സിലര്മാരായ ബിനു പുളിക്കകണ്ടം, ബിജു പുളിക്കകണ്ടം എന്നിവരും ഒരു കേരള കോണ്ഗ്രസ് അംഗവും യോഗത്തില് പങ്കെടുത്തില്ല. ഇതോടെയാണ് വോട്ടെടുപ്പില് പ്രതിപക്ഷത്തിന് ഭൂരിപക്ഷം കിട്ടി ഡി വൈ എഫ് ഐയുടെ ആവശ്യം കൗണ്സില് അംഗീകരിക്കാനിടയായത്.
എന്നാല് നഗരസഭാ ചെയര്പേഴ്സണ് ദിയ ബിനു പുളിക്കക്കണ്ടം, ഡി വൈ എഫ് ഐക്ക് വേണ്ടി എല് ഡി എഫുമായി ഒത്തുകളിക്കുകയാണെന്ന് ആരോപിച്ച് കോണ്ഗ്രസ് കൗണ്സിലര്മാര് യോഗം ബഹിഷ്കരിച്ചു.
