തിരുവനന്തപുരം: അമ്മ ജനറല്‍ ബോഡി യോഗത്തില്‍ നടന്നത് തുറന്നടിച്ച് പറഞ്ഞ് ശ്വേതാമേനോന്‍. മല്ലികാസുകുമാരന്‍ സംസാരിക്കാന്‍ ശ്രമിച്ചപ്പോള്‍ മൈക്ക തട്ടിപ്പറിച്ചെന്നും കൊല്ലം തുളസിയെ പ്രസംഗിക്കാന്‍ സമ്മതിച്ചില്ലെന്നും സിദ്ദിഖും ബാബുരാജും യോഗത്തില്‍ തന്നോട് അതിമോശമായ ഭാഷയിലാണ് സംസാരിച്ചതെന്നും ശ്വേതാമേനോന്‍ പറഞ്ഞു.
നടന്‍ അനൂപ് ചന്ദ്രനെയും സംസാരിക്കാന്‍ അനുവദിച്ചില്ല. ടിവി ചാനലായ ന്യൂസ് മലയാളം 24-7 ആണ് ഇക്കാര്യം പുറത്തുവിട്ടത്. ഇതുവരെ അമ്മയുടെ ജനറല്‍ ബോഡി യോഗത്തില്‍ അന്‍സിബ സംസാരിച്ചതോടെ ശ്വേതാമേനോനും കൂട്ടര്‍ക്കും പിടിച്ചുനില്‍ക്കാനാവാതെ രാജിവെച്ചു എന്ന വിശദീകരണം മാത്രമാണ് പുറത്തുവന്നിരുന്നത്.
കഴിഞ്ഞ ദിവസങ്ങളില്‍ മൗനം പാലിച്ചിരുന്ന ശ്വേതാമേനോന്‍ രമേഷ് പിഷാരടിയുമായി നടത്തിയ ഫോണ്‍ സംഭാഷണമാണ് ഇപ്പോള്‍ പുറത്തുവന്നിരിക്കുന്നത്. 40 മിനിറ്റ് ദൈര്‍ഘ്യമുള്ള ഈ ഫോണ്‍ സംഭാഷണമാണ് ഇപ്പോള്‍ ന്യൂസ് മലയാളം 24-7 പുറത്തുവിട്ടത്
