കൊച്ചി : പ്രതിപക്ഷനേതാവ് പിണറായി വിജയന്റെ തിരുവനന്തപുരം ബേക്കറി ജംഗ്ഷനിലെ വാടക വീട്ടില് റെയ്ഡ് കഴിഞ്ഞു മടങ്ങിയ ഉദ്യോഗസ്ഥരെ സി പി എം പ്രവര്ത്തകര്
ആക്രമിച്ചത് രാഷ്ട്രീയ പ്രേരിതമായാമെന്ന് ഇ ഡി കോടതിയില്. പ്രതികള്ക്ക് കേന്ദ്ര ഏജന്സികളോടുള്ള രാഷ്ട്രീയ വൈരാഗ്യമാണ് ആക്രമണത്തിന് പിന്നില്. തിരുവനന്തപുരം ജില്ലാ സെഷന്സ് കോടതിയിലായിരുന്നു ഇ ഡിയുടെ വാദം.
അതേസമയം,പ്രതികളെ വെറുതെ ജയിലില് ഇട്ടത് കൊണ്ട് ഒരു നേട്ടവും ഇല്ലെന്ന് പ്രതിഭാഗം വാദിച്ചു. സാധാരണ പ്രതിഷേധം മാത്രമാണ് നടന്നതെന്നും പ്രതിഭാഗം കോടതിയില് പറഞ്ഞു.
എന്നാല് ഉന്നത ഗൂഢാലോചനയില് അന്വേഷണം തുടരുകയാണെന്ന് സ്പെഷ്യല് പബ്ലിക് പ്രോസിക്യൂട്ടര് പറഞ്ഞു. പ്രതികള്ക്ക് ജാമ്യം നല്കരുത്.മുന് പ്രോസിക്യൂട്ടര് കോടതിയെ തെറ്റിദ്ധരിപ്പിച്ചുവെന്ന് സ്പെഷ്യല് പബ്ലിക് പ്രോസിക്യൂട്ടര് കോടതിയെ അറിയിച്ചു. ഇത് കാരണമാണ് ഒന്പതാം പ്രതിക്ക് ജാമ്യം നല്കിയത്.സംഭവത്തില് ആക്രമണവും ഗുഡാലോചനയും നടന്നിട്ടുണ്ട്.
അതേസമയം, കേസില് പ്രതികളുടെ ജാമ്യാപേക്ഷയില് ശനിയാഴ്ച വീണ്ടും വാദം കേള്ക്കും.പത്ത് പ്രതികളുടെ ജാമ്യാപേക്ഷയാണ് നാളെ വീണ്ടും പരിഗണിക്കുന്നത്.
