കൊച്ചി:ലക്ഷ്മിപ്രിയയെ ആക്രമിക്കുമ്പോള് അന്സിബ മുന്നില് നിര്ത്തുന്നത് മോഹന്ലാലിനെ, എന്തുകൊണ്ട് സിദ്ദിഖിനെ മുന്നില് നിര്ത്തുന്നില്ല എന്ന ചോദ്യമുയരുന്നു. വിവാദത്തിനിടയില് അന്സിബ കഴിഞ്ഞ ദിവസം മോഹന്ലാലിന്റെ ചിത്രം സമൂഹമാധ്യമത്തില് പങ്കുവെച്ചപ്പോഴാണ് ഇത്തരത്തിലുള്ള ചില വിമര്ശനങ്ങള് ഉയരുന്നത്.
അതേ സമയം അന്സിബയെ അനുകൂലിക്കുകയും ശ്വേതമേനോന്റെ നേതൃത്വത്തിലുള്ള കമ്മിറ്റിയെ പുറത്താക്കാന് മുന്നില് നിന്നു പ്രവര്ത്തിച്ച സിദ്ദിഖിനെ എന്തുകൊണ്ട് അന്സിബ മുന്നില് നിര്ത്തുന്നില്ല എന്നും ചിലര് ചോദ്യങ്ങള് ഉന്നയിക്കുകയായിരുന്നു. ഒരു വിഭാഗം മാധ്യമങ്ങള് അമ്മയുടെ യോഗത്തില് മോഹന്ലാല് അന്സിബയെ അനുകൂലിച്ചുവെന്നും ഹൈലൈറ്റ് ചെയ്തിരുന്നു.
രാജിവെച്ച ശേഷം ശ്വേതാമേനോന് മൗനത്തിലാണ്. ശ്വേതാമേനോന്റെ നേതൃത്വത്തിലുള്ള എക്സിക്യൂട്ടീവ് സമിതി ഒന്നടങ്കം രാജിവെയ്ക്കുകയും ശ്വേതാമേനോന് അമ്മയുടെ പ്രാഥമിക അംഗത്വത്തില്നിന്നും രാജിവെയ്ക്കുകയും ചെയ്തു. അതിന് ശേഷം ശ്വേതാമേനോന് നടത്താനിരുന്ന വാര്ത്താസമ്മേളനം മാറ്റിവെച്ചതിന് പിന്നില് രമേഷ് പിഷാരടിയുമായുള്ള ആശയവിനിമയമാണ്. അതേ സമയം ഏഴ് മണിക്കൂര് നേരം പൊരുതിനിന്ന ശ്വേതാമേനോന് തകര്ന്നുപോയത് ബിജെപി അനുഭാവികളെ അമ്മയുടെ എക്സിക്യൂട്ടീവ് കമ്മിറ്റിയില് തിരുകിക്കയറ്റുന്നതിന് ശ്വേതാമേനോന് അമിത് ഷായില് നിന്നും പണം വാങ്ങിയെന്ന ആരോപണമാണെന്ന് കഴിഞ്ഞ ദിവസം ലക്ഷ്മിപ്രിയ ഉന്നയിച്ചിരുന്നു. അതുപോലെ ശ്വേതാമേനോനെ വീഴ്ത്തന് വേണ്ടി കമ്മിറ്റിയില് മുന്നില് നിന്ന് പൊരുതിയത് നടന് സിദ്ധിഖ്, നടന് ബാബുരാജ്, ഇടവേള ബാബു എന്നീ മൂന്ന് പേരാണെന്നും പറയുന്നു. സ്ത്രീപീഡനക്കേസുകളില് മുന്പ് ആരോപണം നേരിട്ട നടന് കൂടിയാണ് സിദ്ധിഖ്.
