ന്യൂദല്ഹി: സിപിഎം പൊളിറ്റ് ബ്യൂറോ ജനറല് സെക്രട്ടറി എം.എ. ബേബിയ്ക്കൊപ്പം ദല്ഹിയിലെ ജന്തര് മന്ദറില് എത്തി കോക്രോച്ച് ജനതാ പാര്ട്ടിക്ക് പിന്തുണ പ്രഖ്യാപിച്ച നടപടിയെ ചോദ്യം ചെയ്ത ജേണലിസ്റ്റിന് മുന്നില് പതറി സിപിഎം വനിതാ നേതാവ് ബൃന്ദ കാരാട്ട്.
11 ദിവസമായി ഇവിടെ കോക്രോച്ച് ജനതാ പാര്ട്ടി സമരം നടത്തുന്നു. പിന്നെ നിങ്ങള് ഇപ്പോള് മാത്രം പിന്തുണ പ്രഖ്യാപിക്കാന് വന്നത് എന്തുകൊണ്ടാണ്? ഇതായിരുന്നു ഒരു ജേണലിസ്റ്റ് ചോദിച്ചത്. ഇതിന് ബൃന്ദ കാരാട്ട് പറഞ്ഞത് കഴിഞ്ഞ ദിവസങ്ങളിലെല്ലാം ഞങ്ങളുടെ പ്രവര്ത്തകര് ഇവിടെ ഉണ്ടായിരുന്നു എന്നാണ്. എന്നാല് സിപിഎം ഈ സമരത്തിന് പിന്തുണ പ്രഖ്യാപിച്ചില്ലെന്നിരിക്കെ എങ്ങിനെയാണ് കഴിഞ്ഞ ദിവസങ്ങളില് സമരപ്പന്തലില് സിപിഎം എത്തുക?
Q : Why you joined the CJP protest after so many days?
Brinda Karat : CPM has been supporting them since the beginning
Communist exposed what Abhijeet Dipke & his gang had been denying 💀
pic.twitter.com/vELqy8QWDd— BALA (@erbmjha) June 29, 2026
കോക്രോച്ച് ജനതാപാര്ട്ടി ഒരു രാഷ്ട്രീയപാര്ട്ടിയല്ലെന്നും നീറ്റ് പരീക്ഷാക്രമക്കേട് കണ്ടപ്പോള് പൊടുന്നനെ പൊട്ടിമുളച്ച പ്രതികരണമാണെന്നുമായിരുന്നു ബൃന്ദാകാരാട്ടിന്റെ മറുപടി. കോണ്ഗ്രസിന്റെ വിദ്യാര്ത്ഥി സംഘടനയായ എന്എസ് യു (ഐ) ഇതിന് പിന്തുണ നല്കേണ്ടതുണ്ടെന്ന് നിങ്ങള് ആവശ്യപ്പെടുമോ? എന്ന മാധ്യമപ്രവര്ത്തകയുടെ ചോദ്യത്തിന് ആരൊക്കെ എന്തൊക്കെ ചെയ്യണമെന്ന് ഉപദേശിക്കാന് ആളല്ലെന്നായിരുന്നു അല്പം അസഹിഷ്ണുതയോടെയുള്ള ബൃന്ദ കാരാട്ടിന്റെ പ്രതികരണം.
പക്ഷെ ഇപ്പോഴും പ്രതിപക്ഷപാര്ട്ടികള് ആരും കോക്രോച്ച് പാര്ട്ടിക്ക് പിന്തുണ നല്കുന്നില്ല. കാരണം ഈ സമരം ഒരു വലിയ പ്രക്ഷോഭമായാല് അത് കോണ്ഗ്രസ്, സിപിഎം പോലുള്ള പ്രതിപക്ഷപാര്ട്ടികളുടെ പരാജയമായി കണക്കാക്കപ്പെടും. പൊടുന്നനെ കോക്രോച്ച് ജനതാ പാര്ട്ടി ഒരു വലിയ പ്രതിപക്ഷപാര്ട്ടിയായി മാറും. ഈ പേടിയുള്ളതിനാലാണ് എം.എ. ബേബിയും ബൃന്ദാകാരാട്ടും സമരത്തിന്റെ 11ാം ദിവസം മാത്രം എത്തിയത്. കോക്രോച്ച് ജനതാ പാര്ട്ടിയുടെ സമരം പൊളിഞ്ഞതുപോലെയാണ്. കാരണം ജന്ദര് മന്ദറില് പ്രതിഷേധിക്കാന് വിദ്യാര്ത്ഥികള് ഇല്ല. കടുത്ത ചൂടില് ഏതാനും വിദ്യാര്ത്ഥികള് മാത്രമാണ് അവിടെ തമ്പടിക്കുന്നത്. നീറ്റ് പരീക്ഷ മോദി സ്ര്ക്കാര് മികച്ച തോതില് നടത്തിയതോടെ വിദ്യാര്ത്ഥികള്ക്കും രക്ഷിതാക്കള്ക്കും പരാതിയോ പ്രതിഷേധമോ ഇല്ല.
