കൊച്ചി : പാലാരിവട്ടം എസ് എച്ച് ഒ യ്ക്ക് എതിരെ സിറ്റി പൊലീസ് കമ്മീഷണര്ക്ക് പരാതി നല്കി നടി അന്സിബ ഹസന്.നടി ലക്ഷ്മിപ്രിയക്കെതിരെ താന് നല്കിയ പരാതിയില് കേസെടുത്തില്ല. പാലാരിവട്ടം പൊലീസില് നല്കിയ പരാതിയില് ഒരു അന്വേഷണവും നടത്തിയില്ലെന്നും എസ്എച്ച്ഒയെ മാറ്റിനിര്ത്തി മറ്റൊരാളെ കേസ് ഏല്പ്പിക്കണമെന്നും ആവശ്യപ്പെട്ടാണ് കമ്മീഷണര്ക്ക് പരാതി നല്കിയത്. സാമൂഹ്യ മാധ്യമത്തിലൂടെ ലക്ഷ്മിപ്രിയ അപകീര്ത്തികരമായ പരാമര്ശങ്ങള് നടത്തി എന്നാണ് പരാതി.
യൂട്യൂബ് ചാനലിലൂടെ അപകീര്ത്തികരമായതും അശ്ലീലവും വ്യാജവുമായ പ്രചാരണങ്ങള് നടത്തിയെന്നാണ് പരാതിയില് പറയുന്നത്. തന്നെ വ്യക്തിഹത്യ ചെയ്യാന് ശ്വേതാ മേനോനും ലക്ഷ്മിപ്രിയയും ഗൂഢാലോചന നടത്തിയെന്നും പരാതിയില് പറയുന്നു.
സമൂഹമാധ്യമങ്ങളില് പ്രചരിപ്പിക്കുന്ന വീഡിയോയിലെ പരാമര്ശങ്ങള് തികച്ചും അശ്ലീലവും ഒരു സ്ത്രീ എന്ന നിലയില് തന്റെ അന്തസിനെയും മര്യാദയെയും തകര്ക്കുന്നതും പൊതുസമൂഹ മധ്യത്തില് അപകീര്ത്തിപ്പെടുത്തുന്നതുമാണെന്ന് അന്സിബ ഹസന് പറയുന്നു.
