ന്യൂദല്ഹി: ഭാരതത്തിന്റെ എഥനോള് മിശ്രിത ഇന്ധനം (ഇ 20) സുരക്ഷിതമെന്ന് ഉറപ്പ് നല്കി കേന്ദ്ര പെട്രോളിയം- പ്രകൃതിവാതക മന്ത്രാലയം.
എഥനോള് ഇന്ധനം വാഹനങ്ങളുടെ പ്രവര്ത്തനത്തെ ബാധിക്കുമെന്നും ഇന്ഷുറന്സ് ക്ലെയിമുകള് നഷ്ടപ്പെടുത്തുമെന്നും സമൂഹമാധ്യമങ്ങളില് വ്യാജ പ്രചരണങ്ങള് നടത്തിയിരുന്നു. പിന്നാലെയാണ് കേന്ദ്രം വിശദീകരണം നല്കിയത്. ഇത് ഇന്ഷുറന്സ് പരിരക്ഷയെ ബാധിക്കില്ലന്നും മന്ത്രാലയം കൂട്ടിച്ചേര്ത്തു. കരിമ്പിന് ജ്യൂസ്, ചോളം, മറ്റ് ധാന്യങ്ങള് എന്നിവയില് നിന്നാണ് എഥനോള് നിര്മിക്കുന്നത്. എന്നാല് 80 ശതമാനം പെട്രോളും 20 ശതമാനം എഥനോളും മാത്രമാണ് അടങ്ങിയിരിക്കുന്നതെന്നും കേന്ദ്രം അറിയിച്ചു.
ഭാരതത്തിലെ എഥനോള് മിശ്രിതം കര്ശനമായ ഇന്ധന ഗുണനിലവാര മാനദണ്ഡങ്ങള് പാലിക്കുന്നുണ്ടെന്നും അവതരിപ്പിക്കുന്നതിന് മുമ്പ് കര്ശനമായ പരിശോധനയ്ക്ക് വിധേയമാക്കുമെന്നും പെട്രോളിയം – പ്രകൃതിവാതക മന്ത്രാലയം കൂട്ടിച്ചേര്ത്തു.
എഥനോള് മിശ്രിതം ആഗോളതലത്തില് അംഗീകരിക്കപ്പെട്ട രീതിയാണ്. യുഎസ്, ബ്രസീല്, ജപ്പാന് തുടങ്ങിയ രാജ്യങ്ങളില് ഇത് വിജയകരമായി നടപ്പിലാക്കുകയും ചെയ്തിരുന്നു.
ഭാരതത്തിന്റെ അസംസ്കൃത എണ്ണ ഇറക്കുമതി കുറക്കുകയാണ് ഈ ഇന്ധനം ഉപയോഗിക്കുന്നതിലൂടെ ലക്ഷ്യമിടുന്നത്. മാത്രമല്ല, കര്ഷകര്ക്ക് ഉയര്ന്ന നേട്ടവുമുണ്ടാക്കുന്നു.
