തിരുവനന്തപുരം :കെഎസ്ആര്ടിസി സ്ത്രീ സൗജന്യ യാത്രയുടെ ഉദ്ഘാടന ചടങ്ങിനിടെ തന്റെ തലയില് ചൂടുപായസം വീണ സംഭവത്തില് അന്വേഷണം ആവശ്യമില്ലെന്ന് വ്യക്തമാക്കി ഡിജിപിക്ക് കത്ത് നല്കിയിട്ടുണ്ടെന്ന് മന്ത്രി ബിന്ദു കൃഷ്ണ. സംഭവത്തില് അസ്വാഭാവികമായി ഒന്നുമില്ല. വീഡിയോ കണ്ട ലോകമെമ്പാടുമുള്ള മനുഷ്യര്ക്കും അതറിയാം. ഒരു ആള്ക്കൂട്ടത്തില് സംഭവിക്കാന് സാധ്യതയുള്ളത് മാത്രമാണ് ഉണ്ടായതെന്നും തനിക്ക് പരാതിയില്ലെന്നും ബിന്ദു കൃഷ്ണ പറഞ്ഞു. പ്രതികരിച്ചു. സന്തോഷം പങ്കിടാന് പായസം കൊണ്ടുവന്നപ്പോള് കൈ തട്ടി തലയില് വീണതാണ്.
കൊല്ലം ജില്ലാതല ഉദ്ഘാടന ചടങ്ങിനിടെയാണ് മന്ത്രിയുടെ തലയില് ചൂടുപായസം വീണത്. ഇതേത്തുടര്ന്ന് സംസ്ഥാന പൊലീസ് മേധാവി സംഭവത്തെക്കുറിച്ച് അന്വേഷണം നടത്താന് ഡിവൈഎസ്പിയെ ചുമതലപ്പെടുത്തിയിരുന്നു. മന്ത്രിയുടെ പേഴ്സണല് സ്റ്റാഫിന്റെ കൈയില് നിന്നാണ് പായസം വീണതെന്നും റിപ്പോര്ട്ടുണ്ടായിരുന്നു.
















