തിരുവനന്തപുരം: സ്വകാര്യ സ്ഥാപനങ്ങളിലെ വനിതാ ജീവനക്കാര്ക്ക്
ശമ്പളത്തോടുകൂടിയ പ്രസവാവധി വര്ദ്ധിപ്പിച്ച് കേന്ദ്രസര്ക്കാര് കൊണ്ടുവന്ന മെറ്റേണിറ്റി ബെനിഫിറ്റ് ആക്ട് ഭേദഗതി സംസ്ഥാനത്ത് നടപ്പാക്കിയെന്ന് മാത്യു കുഴല്നാടന് എം.എല്.എയുടെ സബ്മിഷന് മറുപടിയായി മന്ത്രി ബിന്ദു കൃഷ്ണ നിയമസഭയില് വ്യക്തമാക്കി.
പ്രസവാവധി 12 ആഴ്ചയില് നിന്ന് 26 ആഴ്ചയായി ഉയര്ത്തിയിട്ടുണ്ട്. പത്തോ അതില് കൂടുതലോ ജീവനക്കാരുള്ളതോ കഴിഞ്ഞ 12 മാസങ്ങളിലെ ഏതെങ്കിലുമൊരു ദിവസം പത്തോ അതില് കൂടുതലോ ജീവനക്കാര് ജോലി ചെയ്തിരുന്നതോ ആയ എല്ലാ സ്വകാര്യ സ്ഥാപനങ്ങള്ക്കും നിയമം ബാധകമാണ്. ഒരു സ്ഥാപനത്തില് 80 ദിവസമെങ്കിലും ജോലി ചെയ്തിട്ടുണ്ടെങ്കില് ആനുകൂല്യത്തിന് അര്ഹതയുണ്ട്.
ഇ.എസ്.ഐ ആക്ട് ബാധകമായ സ്ഥാപനങ്ങളിലെ ജീവനക്കാര് മെറ്റേണിറ്റി ബെനിഫിറ്റ് ആക്ടിന്റെ പരിധിയില് വരുന്നില്ല. ഇ.എസ്.ഐ ആക്ട് നടപ്പിലാക്കുന്നതിനുള്ള ചുമതല എംപ്ലോയീസ് സ്റ്റേറ്റ് ഇന്ഷ്വറന്സ് കോര്പ്പറേഷനാണ്.
മെറ്റേണിറ്റി ബെനിഫിറ്റ് ആക്ട് പ്രകാരമുള്ള ആനൂകൂല്യങ്ങള് ലഭിക്കാത്തതുമായി ബന്ധപ്പെട്ട പരാതികളില് അസി.ലേബര് ഓഫീസര്മാര് നടപടി സ്വീകരിച്ചുവരുന്നുണ്ടെന്നും മന്ത്രി വ്യക്തമാക്കി.
