തിരുവനന്തപുരം : സംഘപരിവാറിനെ ചെറുക്കാൻ സഖാക്കളുണ്ടെന്ന വെല്ലുവിളിയുമായി വീണ്ടും എ എ റഹീം. തിരുവനന്തപുരം നഗരസഭയെ ആർ എസ് എസ് കാര്യാലയമാക്കാൻ അനുവദിക്കില്ല. ഇന്ത്യൻ ഭരണഘടനയെയും നിയമങ്ങളെയും കാറ്റിൽപറത്തി ഗണഗീതവും,മത ചിഹ്നങ്ങളും കൊണ്ട് രാഷ്ട്രീയ മുതലെടുപ്പിന് വന്നാൽ, നോക്കി നിൽക്കില്ല ഈ ചെങ്കൊടിയെന്നാണ് റഹീം ഫേസ്ബുക്കിൽ കുറിച്ചിരിക്കുന്നത്.
മതേതരത്വവും ജനാധിപത്യവും സംരക്ഷിക്കാനുള്ള പോരാട്ടങ്ങളിൽ സംഘപരിവാറിന് മുന്നിൽ വിട്ടു വീഴ്ചയില്ലാതെ സി പി ഐ എം നടത്തിയ പോരാട്ടത്തിന്റെ വിജയമാണിതെന്നും റഹീം പറയുന്നു. തിരുവനന്തപുരം കോർപ്പറേഷനിലെ ഭരണം അട്ടിമറിച്ച് വീണ്ടും തെരഞ്ഞെടുപ്പ് നടത്തിക്കാനുള്ള സിപിഎമ്മിന്റെ പദ്ധതിയാണ് കോടതി തകർത്തതെന്നതാണ് സത്യം. നീക്കങ്ങൾ പൊളിഞ്ഞതിലുള്ള ജാള്യത മറച്ച് വച്ചാണ് സിപിഎം നടത്തിയ പോരാട്ട വിജയമെന്ന എ എ റഹീമിന്റെ തള്ള്.
റഹീമിന്റെ ഫേസ്ബുക്ക് കുറിപ്പിനെ പലരും പരിഹസിച്ചിട്ടുമുണ്ട്. ‘ പോരാടി പോരാടി നീയൊക്കെ anikspray പോലായി എന്നിട്ടും അവനൊക്കെ സംഘപരിവാറിനെ ചെറുക്കും പോലും . ഇങ്ങനെ ഊളത്തരം അടിക്കാൻ കമ്മികളെ കഴിഞ്ഞേ മറ്റു ടീമുള്ളൂ ‘ എന്ന കമന്റ് വൈറലാകുകയും ചെയ്തു. ഇപ്പറഞ്ഞ കാര്യങ്ങളെല്ലാം ചൂണ്ടി കാണിച്ചും, ബിജെപിയെ വെല്ലുവിളിച്ചും, തൃണമൂൽ കോൺഗ്രസിനെ അനുകൂലിച്ചും ഒരു പരിപാടി ബംഗാളിൽ നടത്താൻ ശ്രമിക്കെന്നും കമന്റുണ്ട്. എന്നാൽ അതിനുള്ള ധൈര്യമുണ്ടോ റഹീം ഭായിക്കെന്നാണ് ചിലരുടെ സംശയം.
