ബ്യൂണസ് അയേഴ്സ് :18 ഗോളുകള്‍ വലയിലാക്കി ലോകകപ്പ് ചരിത്രത്തില്‍ ഏറ്റവും കൂടുതല്‍ ഗോള്‍ നേടിയ താരമായി മാറിയ മെസ്സിയെ പുകഴ്ത്താന് ഡീഗോ മാറഡോണ എന്ന അര്‍ജന്‍റീനയുടെ ഇതിഹാസ താരം ഇല്ല. മാറഡോണ 2020 നവമ്പറില്‍ മാറഡോണ കടുത്ത കൊക്കെയ്ന്‍ ഉപയോഗം മൂലമുള്ള രോഗബാധ കാരണം ലോകത്തോട് വിട പറഞ്ഞിരുന്നു. 60ാം വയസ്സില്‍ ഹൃദയസ്തംഭനമായിരുന്നു മാറഡോണയുടെ മരണത്തിന് കാരണമായത്.
തന്റെ പിന്‍ഗാമി എന്നാണ് ഒരിയ്‌ക്കല്‍ മാറഡോണ മെസ്സിയെ വിശേഷിപ്പിച്ചത്. ലോകത്തിലെ ഏറ്റവും മികച്ച ഫുട്ബാള്‍ താരം എന്നും മറ്റൊരിയ്‌ക്കല്‍ മാറഡോണ മെസ്സിയെ വിശേഷിപ്പിച്ചിരുന്നു. അതേ സമയം ലയണല്‍ മെസ്സിക്ക് തന്നെപ്പോലെ ജ്വലിക്കുന്ന നേതൃപാടവശേഷിയില്ലെന്ന് ഒരിയ്‌ക്കല്‍ മാറഡോണ വിമര്‍ശിച്ചിരുന്നു.
പക്ഷെ മെസ്സി 2022ല്‍ അര്‍ജന്‍റീനയെ ലോകകപ്പില്‍ മുത്തമിടീച്ചപ്പോള്‍ കാണാന്‍ മാറഡോണ ഉണ്ടായിരുന്നില്ല. എന്തായാലും മെസ്സി കഴിഞ്ഞ ദിവസം ഓസ്ട്രിയയ്‌ക്കെതിരെ രണ്ട് ഗോള്‍ നേടിയതോടെ ആകെ 18 ഗോള്‍ നേടുക വഴി തകര്‍ത്തത് ജര്‍മ്മന്‍ താരം മിറാസ്ലോവ് ക്ലോസിന്റെ റെക്കോഡാണ് തകര്‍ത്തത്. 2014ല്‍ ആണ് 16ാമത്തെ ഗോള്‍ നേടി മിറാസ്ലോവ് ഏറ്റവും കൂടുതല്‍ ലോകകപ്പ് ഗോളുകളുടെ റെക്കോഡ് നേടിയത്. 12 വര്‍ഷത്തിന് ശേഷം മെസ്സി അത് തകര്‍ത്തു.
നാല് ലോകകപ്പുകളില്‍ കളിച്ചെങ്കിലും 1986ല്‍ മെക്സിക്കോയില്‍ നടന്ന ലോകകപ്പില്‍ അര്‍ജന്‍റീനയുടെ ക്യാപ്റ്റനായ മാറഡോണ ലോകകപ്പ് കിരീടവും മികച്ച താരത്തിനുള്ള ഗോള്‍ഡന്‍ ബാളും നേടി. ഇതില്‍ ക്വാര്‍ട്ടര്‍ ഫൈനല്‍ മത്സരത്തില്‍ ഇംഗ്ലണ്ടിനെതിരെ അര്‍ജന്‍റീന നേടിയ വിജയഗോള്‍ ദൈവത്തിന്റെ കൈ നേടിത്തന്നതാണെന്ന മാറഡോണയുടെ പ്രസ്താവന ലോകപ്രശസ്തമായിരുന്നു. മാറഡോണ കൈകൊണ്ടാണ് ഈ ഗോള്‍ നേടിയതെന്ന ഇംഗ്ലണ്ടിന്റെ ആരോപണത്തിനായിരുന്നു മാറഡോണയുടെ ഈ മറുപടി. മാറഡോണ 1986ല്‍ അര്‍ജന്‍റീനയ്‌ക്ക് ലോകകപ്പ് നേടിക്കൊടുക്കുമ്പോള്‍ മെസ്സി ജനിച്ചിട്ടുപോലുമില്ല. തൊട്ടടുത്ത വര്‍ഷം 1987ലാണ് മെസ്സിയുടെ ജനനം.
നാല് ലോകകപ്പുകളില്‍ നിന്നായി മാറഡോണ എട്ട് ഗോളുകള്‍ നേടാനേ കഴിഞ്ഞൂള്ളൂ. മെസ്സി ആറ് ലോകകപ്പുകളില്‍ കളിച്ചു. ഇതില്‍ നിന്നാണ് ആകെ 18 ഗോളുകള്‍ നേടിയത്.
