ന്യൂയോര്ക്ക് : വാട്സ്ആപ്പ് സിഇഒ ആയി ഇന്ത്യാക്കാരന്.ക്രെഡ് മേധാവി കുനാല് ഷായെയാണ് വാട്സാപ്പ് ഗ്ലോബല് സിഇഒ ആയി നിയമിച്ചത്.
ഇന്ത്യന് ഫിന്ടെക് സ്റ്റാര്ട്ടപ് ആയ ക്രെഡില് വന് നിക്ഷേപം നടത്താനും വാട്സ്ആപ്പിന്റെ മാതൃകമ്പനിയായ മെറ്റ തീരുമാനിച്ചു.ഫേസ്ബുക്കിന്റെ മാതൃകമ്പനിയുമായ മെറ്റ, ക്രെഡില് 8,550 കോടിയാണ് നിക്ഷേപിക്കുക. കുനാല് ഷാ 2018ലാണ് ക്രെഡ് സ്ഥാപിച്ചത്.നൂറുകണക്കിന് സ്റ്റാര്ട്ട് അപ്പുകളിലും കുനാല് ഷായ്ക്ക് നിക്ഷേപമുണ്ട്.
കഴിഞ്ഞ ഏഴുവര്ഷമായി വാട്സ്ആപ്പിനെ നയിച്ചിരുന്നത് വില് കാത്കാര്ട്ട് ആയിരുന്നു. കുനാല് ഷാ വാട്സാപ്പില് എത്തുന്നതോടെ ക്രെഡിന്റെ പുതിയ മേധാവിയായി മിതന് സമ്പത്തിനെ നിയമിക്കും.
പരസ്യങ്ങളിലൂടെയും സബ്സ്ക്രിപ്ഷന് ഉല്പ്പന്നങ്ങളിലൂടെയും വരുമാനം വര്ദ്ധിപ്പിക്കുന്നതിലും എ ഐ ഏജന്റുമാരെ പ്ലാറ്റ്ഫോമിലേക്ക് സംയോജിപ്പിക്കുന്നതിലും ഊന്നല് നല്കി, വാട്ട്സ്ആപ്പിന്റെ അടുത്ത ഘട്ട വളര്ച്ചയ്ക്ക് നേതൃത്വം നല്കുന്നതിന് കുനാല് ഷായെ ചുമതലപ്പെടുത്തിയെന്ന് മെറ്റ അറിയിച്ചു.
