ന്യൂദല്ഹി:60 ലിറ്റർ മുലപ്പാൽ ശേഖരിച്ച് സർക്കാർ ആശുപത്രികളിലെ ഹ്യൂമൻ മിൽക്ക് ബാങ്കുകൾക്ക് ദാനം ചെയ്ത് മാതൃകയായി ഷട്ടില് താരം ജ്വാല ഗുട്ട. മാതൃത്വത്തിന്റെ മഹത്വം സ്വന്തം കുഞ്ഞിൽ മാത്രം ഒതുക്കാതെ സമൂഹത്തിലെ മറ്റ് കുഞ്ഞുങ്ങളിലേക്കും പകർന്ന് നൽകി മാതൃകയായിരിക്കുകയാണ് ജ്വാല ഗുട്ടHu.
അമ്മമാരുടെ അധിക മുലപ്പാൽ ശേഖരിച്ച് ആവശ്യക്കാർക്ക് എത്തിക്കുന്ന ഹ്യൂമൻ മിൽക്ക് ബാങ്കുകൾ നവജാത ശിശുക്കളുടെ ആരോഗ്യസംരക്ഷണത്തിൽ നിർണായക പങ്കുവഹിക്കുന്ന സംവിധാനമാണ്. പ്രത്യേകിച്ച് അകാലത്തിൽ ജനിക്കുന്ന കുഞ്ഞുങ്ങൾക്കും ആരോഗ്യപ്രശ്നങ്ങൾ നേരിടുന്ന നവജാത ശിശുക്കൾക്കും ദാതാക്കളിൽ നിന്ന് ലഭിക്കുന്ന മുലപ്പാൽ ജീവൻ രക്ഷിക്കുന്ന ഔഷധം പോലെയാണ്.
മുലപ്പാൽ ദാനം ചെയ്യുന്നത് കുഞ്ഞുങ്ങളുടെ പ്രതിരോധശേഷി വർധിപ്പിക്കാനും വിവിധ രോഗങ്ങളിൽ നിന്ന് സംരക്ഷിക്കാനും സഹായിക്കുന്നു. അതിനാൽ തന്നെ ലോകമെമ്പാടും ഹ്യൂമൻ മിൽക്ക് ബാങ്കുകളുടെ പ്രാധാന്യം വർധിച്ചുവരികയാണ്. ഒരു അമ്മയുടെ സ്നേഹവും കരുതലും സ്വന്തം കുഞ്ഞിന് അതീതമായി സമൂഹത്തിലെ മറ്റ് കുഞ്ഞുങ്ങളിലേക്കും എത്തുമ്പോൾ അത് മനുഷ്യസ്നേഹത്തിന്റെ മികച്ച ഉദാഹരണമാകുന്നു
സഹ ഇന്ത്യൻ ഷട്ടില് താരമായ ചേതൻ ആനന്ദിനെയാണ് ജ്വാഗുട്ട ആദ്യ വിവാഹം കഴിച്ചത്. 2005 മുതൽ 2011 വരെ ഈ ദാമ്പത്യം നീണ്ടു. പിന്നീട് 2021 ഏപ്രിൽ 22 ന് അവർ തമിഴ് സിനിമാ നടൻ വിഷ്ണു വിശാലിനെ വിവാഹം കഴിച്ചു .ഇപ്പോള് ജ്വാല ഗുട്ടയ്ക്ക് രണ്ട് മക്കളുണ്ട്.
