തൃശൂര്: ചേലക്കരയില് ഓപ്പറേഷന് തൂഫാന്റെ ഭാഗമായി ലഹരി സംഘത്തെ ഓടിച്ചിട്ട് പിടിക്കുന്നതിനിടെ വീണ് പൊലീസ് ഉദ്യോഗസ്ഥന് പരിക്ക്. ചേലക്കര സ്റ്റേഷനിലെ സിപിഒ മനുവിനാണ് പരിക്കേറ്റത്.മുഖത്ത് അടക്കം പരിക്കേറ്റ മനുവിനെ ചേലക്കര താലൂക്ക് ആശുപത്രിയിലും, തുടര്ന്ന് തൃശൂര് മെഡിക്കല് കോളജ് ആശുപത്രിയിലും പ്രവേശിപ്പിച്ചു.
ലഹരി ഉപയോഗിക്കുന്ന സംഘങ്ങള് വ്യാപകമാണെന്ന പരാതിയെ തുടര്ന്നാണ് പൊലീസ് സംഘം പരിശോധനയ്ക്ക് എത്തിയത്. തുടര്ന്ന് ലഹരി ഉപയോഗിക്കുന്ന മൂന്ന് പേരെ കണ്ടെത്തി.ഇവരെ ഓടിച്ചിട്ട് പിടിക്കുന്നതിനിടെയാണ് പൊലീസ് ഉദ്യോഗസ്ഥന് പരിക്കേറ്റത്.
രണ്ടുപേരെ പൊലീസ് പിടികൂടി .ഒരാള് ഓടി രക്ഷപ്പെട്ടു. പിടിയിലായ പുലാക്കോട് കുട്ടാടന് സ്വദേശികളായ അരുണ്, സുബിന് എന്നീ പ്രതികളില് നിന്നും ഏകദേശം ഒരു ഗ്രാമോളം വരുന്ന ഹാഷിഷ് ഓയില് പിടികൂടി.
