തിരുവനന്തപുരം: പെണ്കുട്ടികള്ക്കും സ്ത്രീകള്ക്കും ക്രിക്കറ്റ് പരിശീലനം നല്കേണ്ടത് വനിതാ കോച്ചാകണമെന്ന് സംസ്ഥാന മനുഷ്യാവകാശ കമ്മീഷന്.ഇതിനായി വനിതാ കോച്ചിനെ നിയമിക്കണമെന്ന് കേരള ക്രിക്കറ്റ് അസോസിയേഷന് നിര്ദേശം നല്കി.
വനിതാ കോച്ച് ലഭ്യമല്ലാത്ത സാഹചര്യത്തില് മുതിര്ന്ന ഉദ്യോഗസ്ഥയുടെ സാന്നിധ്യം ഉറപ്പാക്കണമെന്നും നിര്ദേശമുണ്ട്. പരിശീലനത്തിനെത്തുന്ന സ്ത്രീകളും പെണ്കുട്ടികളും വസ്ത്രം മാറുന്ന മുറികളില് പുരുഷന്മാര്ക്ക് പ്രവേശനം പൂര്ണമായും നിഷേധിക്കണമെന്നും ഉത്തരവിലുണ്ട്.
ആവശ്യമെങ്കില് ഇതുസംബന്ധിച്ച് മുന്നറിയിപ്പ് ബോര്ഡ് സ്ഥാപിക്കണം.പരിശീലനത്തിനെത്തുന്ന പെണ്കുട്ടികളുടെ മാതാപിതാക്കളെ അവര് ആവശ്യപ്പെട്ടാല് പരിശീലന സ്ഥലത്ത് തുടരാന് അനുവദിക്കണം.
കൂടുതല് സിസിടിവി കാമറകള് സ്ഥാപിക്കണമെന്നും മനുഷ്യാവകാശ കമ്മീഷന് ഉത്തരവില് പറയുന്നു. കെസിഎയുടെ കീഴില് ക്രിക്കറ്റ് പരിശീലിച്ചിരുന്ന പെണ്കുട്ടികളെ പരിശീലകന് ലൈംഗികമായി ഉപദ്രവിച്ചെന്ന വാര്ത്തകളുടെ അടിസ്ഥാനത്തില് സ്വമേധയാ എടുത്ത കേസിലാണ് മനുഷ്യാവകാശ കമ്മീഷന് ഉത്തരവ്.
