ന്യൂഡൽഹി : മിഡിൽ ഈസ്റ്റിൽ സമാധാനം പുനഃസ്ഥാപിക്കുന്നതിനായി അമേരിക്കയ്ക്കും ഇറാനും ഇടയിൽ മധ്യസ്ഥത വഹിക്കാനുള്ള പാകിസ്ഥാന്റെ ശ്രമങ്ങളെ വിശ്വസിക്കില്ലെന്ന് ഇസ്രായേൽ . അമേരിക്കയും ഇറാനും തമ്മിലുള്ള പുതിയ നയതന്ത്ര നീക്കങ്ങളെ ഇസ്രായേൽ ജാഗ്രതയോടെ വീക്ഷിക്കുന്നുണ്ടെന്നും ഇന്ത്യയിലെ ഇസ്രായേൽ അംബാസഡർ റൂവൻ അസർ വ്യക്തമാക്കി.
ഇസ്രായേലിനോടുള്ള ശത്രുതാപരമായ നിലപാടുകളുടെ ചരിത്രമാണ് പാകിസ്ഥാനുള്ളത് . അതുകൊണ്ട് തന്നെ ആ സമീപനത്തിൽ ഇസ്രായേലിന് വിശ്വാസമില്ലെന്നും അസർ പറഞ്ഞു .
ഇന്ത്യയുടെ അയൽരാജ്യങ്ങളിൽ ഹമാസിന്റെ തീവ്രവാദ പ്രവർത്തനങ്ങൾ വർദ്ധിച്ചുവരികയാണെന്നും അത് ഇന്ത്യയുടെ സുരക്ഷയ്ക്ക് ഭീഷണിയാകുമെന്നും അദ്ദേഹം മുന്നറിയിപ്പ് നൽകി ഇസ്രായേലിനെതിരായ പലസ്തീൻ ആക്രമണത്തിനുശേഷം പാകിസ്ഥാനിലും ബംഗ്ലാദേശിലും ഹമാസിന്റെ പ്രവർത്തനങ്ങൾ ശക്തമാണ്. നിലവിൽ, അവിടെ രഹസ്യ ഭീകര പ്രവർത്തനങ്ങൾ നടക്കുന്നുണ്ട്. “ അസർ പറഞ്ഞു.
