തിരുവനന്തപുരം: ശരീര സൗന്ദര്യമത്സരത്തിലെ വിജയി ഷിനു ചൊവ്വയുടെ പൊലീസിലെ പരിശീലനം നീട്ടിവയ്ക്കാന് ആഭ്യന്തര മന്ത്രി രമേശ് ചെന്നിത്തല നിര്ദ്ദേശിച്ചു. ഷിനു ചൊവ്വയെ പൊലീസ് ഇന്സ്പെക്ടറായി നിയമിച്ചതില് ഡിജിപിയോട് റിപ്പോര്ട്ട് തേടിയിട്ടുണ്ടെന്ന് അദ്ദേഹം വാര്ത്താസമ്മേളനത്തില് പറഞ്ഞു.
അനര്ഹര്ക്ക് നിയമനം നല്കാന് പാടില്ലെന്നാണ് നിലപാട്. റിപ്പോര്ട്ട് കിട്ടിയ ശേഷം തുടര്നടപടികള് സ്വീകരിക്കും-രമേശ് ചെന്നിത്തല
ശരീര സൗന്ദര്യമത്സര വിജയിക്ക് ഇന്സ്പെക്ടറായി നിയമനം നല്കിയത് വിവാദമായിരുന്നു.ഷിനു ചൊവ്വയുടെ പരിശീലനം ഇന്ന് ആരംഭിക്കേണ്ടതായിരുന്നു. നിയമനത്തിനെതിരെ മന്ത്രിക്ക് പരാതി ലഭിച്ചതിനെ തുടര്ന്നാണ് നടപടി.
എന്നാല് തന്റെ ഇന്സ്പെക്ടര് പരിശീലനം നീട്ടിയ തീരുമാനത്തിന് പിന്നില് ഗൂഢാലോചന ഉണ്ടെന്ന് ഷിനു ചൊവ്വ പ്രതികരിച്ചു. താനൊരു രാഷ്ട്രീയ പാര്ട്ടിയുടെയും ഭാഗമല്ല. തന്റെ നിയമനം കൊണ്ട് സ്ഥാനക്കയറ്റം നഷ്ടമാവുന്ന ചില ഉദ്യോഗസ്ഥരാണ് ഈ ഗൂഢാലോചനക്ക് പിന്നിലെന്നും ഷിനു ചൊവ്വ കൂട്ടിച്ചേര്ത്തു.
കഴിഞ്ഞ സര്ക്കാരാണ് ശരീര സൗന്ദര്യ മത്സരങ്ങളില് വിജയികളായ ഷിനു ചൊവ്വയ്ക്കും ചിത്തരേഷ് നടേശനും പൊലീസില് നിയമനം നല്കാന് തീരുമാനിച്ചത്. സി പി എമ്മുമായി അടുപ്പമുളളവരാണ് ഇവര്. എന്നാല് ചിത്തരേഷ് നടേശന് പരന്ന പാദങ്ങളാണുളളത്.ഷിനു ചൊവ്വയ്ക്ക് കായിക ഇനങ്ങളില് യോഗ്യത നേടാനുമായില്ല. ശരീര സൗന്ദര്യ മത്സര വിജയികള്ക്ക് പൊലീസില് നിയമനം നല്കുന്ന രീതിയുമില്ല. ജി ജി പിയുടെ എതിര്പ്പ് മറികടന്നാണ് ഇവര്ക്ക് മുന് സര്ക്കാര് നിയമനം നല്കിയത്.
