പത്തനംതിട്ട: ശബരിമല ശ്രീകോവിലിന്റെ സ്വര്‍ണം പൊതിഞ്ഞ മേല്‍ക്കൂരയിലെ നിറവ്യത്യാസം നെയ്യ് ഒഴിച്ചതിനാല്‍ തന്നെയെന്ന് സ്ഥിരീകരിച്ചു. മൂന്നിടത്താണ് നിറവ്യത്യാസം കണ്ടത്. സ്‌പെഷ്യല്‍ കമ്മീഷണറുടെ അനുമതിയോടെ മേല്‍ക്കൂര കഴുകി. ഇതര സംസ്ഥാനത്ത് നിന്നുള്ള തീര്‍ത്ഥാടകരാണ് മേല്‍ക്കൂരയിലേക്ക് നെയ്യൊഴിച്ചതെന്ന് കണ്ടെത്തി.
കഴിഞ്ഞ ദിവസമാണ് ശബരിമലയിലെ സ്വര്‍ണം പൊതിഞ്ഞ ശ്രീകോവിലിന്റെ മുകളില്‍ അസാധാരണമായ നിറവ്യത്യാസം കണ്ടെത്തിയത്.ഉടന്‍ തന്നെ തിരുവാഭരണ കമ്മീഷണര്‍ അടക്കമുള്ള പ്രമുഖ ഉദ്യോഗസ്ഥര്‍ സ്ഥലത്ത് എത്തി വിശദമായ പരിശോധന നടത്തി.പ്രാഥമിക പരിശോധനകള്‍ക്ക് ശേഷം, ശ്രീകോവിലിന് മുകളില്‍ ഒഴുകിയിറങ്ങിയത് നെയ്യാണെന്നാണ് അധികൃതര്‍ കണ്ടെത്തി.
ശബരിമല സ്വര്‍ണക്കൊള്ളയില്‍ സന്നിധാനത്ത് പ്രത്യേക അന്വേഷണ സംഘം കഴിഞ്ഞ ദിവസം പരിശോധന നടത്തിയിരുന്നു. പ്രഭാമണ്ഡലം അടക്കം ഇളക്കിയാണ് പരിശോധന നടത്തിയത്.ഹൈക്കോടതിയുടെ പ്രത്യേക അനുമതിയോടെ ആയിരുന്നു പരിശോധന.
