കൊച്ചി: സംഘടനയെ പൊതുസമൂഹത്തിനു മുന്നില് അവഹേളിക്കാന് ശ്രമിച്ച സംഭവത്തില് നടി അന്സിബ ഹസന് കാരണം കാണിക്കല് നോട്ടീസ് അയച്ച് അമ്മ. മാധ്യമങ്ങള്ക്ക് അഭിമുഖങ്ങള് നല്കി സംഘടനയെ തകര്ക്കാന് ശ്രമിച്ചതിനാണ് നോട്ടീസ്. ഇതു സംബന്ധിച്ച് 17-ാം തിയതിക്ക് മുന്പ് വിശദമായ മറുപടി നല്കണം. അല്ലാത്ത പക്ഷം സംഘടനയില് നിന്ന് പുറത്താക്കുമെന്ന് മുന്നറിയിപ്പ് നല്കിയിട്ടുണ്ട്.
രമ്യമായി പരിഹരിക്കാമായിരുന്ന പ്രശ്നങ്ങള് മാധ്യമങ്ങള്ക്ക് മുന്നില് ഊതിപ്പെരുപ്പിച്ചു കാട്ടി സംഘടനയെ നാണം കെടുത്തിയെന്ന നിലപാടാണ് അമ്മ നേതൃത്വത്തിനുള്ളത്. ചില ചാനലുകളെ കൂട്ടു പിടിച്ചായിരുന്നു ആക്ഷേപങ്ങള്. ടിനി ടോമിനെതിരെയും ലക്ഷ്മി പ്രിയയ്ക്കെതിരെയും അന്സിബ കേസുകൊടുത്തിട്ടുമുണ്ട്. മതപരമായ ഇരവാദം ഉയര്ത്തിയായിരുന്നു അന്സിബ ഹസന്റെ നീക്കങ്ങള്.
