ന്യൂഡൽഹി : അടുത്തിടെയായി പ്രധാനമന്ത്രി നരേന്ദ്രമോദിയുടെ നയങ്ങളെ തിരിച്ചറിഞ്ഞ് പ്രശംസിക്കുകയാണ് നടൻ കമൽഹാസൻ. ഇപ്പോഴിതാ ഇന്ത്യയിൽ ഏറ്റവും കൂടുതൽ കാലം തുടർച്ചയായി തിരഞ്ഞെടുക്കപ്പെട്ട പ്രധാനമന്ത്രിയായി നെഹ്രുവിന്റെ റെക്കോർഡ് തകർത്തതിനാണ് മോദിയെ കമൽഹാസൻ പ്രശംസിച്ചിരിക്കുന്നത്.
‘ ഇന്ത്യയിൽ ഏറ്റവും കൂടുതൽ കാലം തുടർച്ചയായി തിരഞ്ഞെടുക്കപ്പെട്ട പ്രധാനമന്ത്രിയായതിന് ശ്രീ @narendramodi ജിക്ക് അഭിനന്ദനങ്ങൾ. നമ്മുടേതുപോലുള്ള വൈവിധ്യമാർന്ന ജനാധിപത്യത്തിൽ, സുസ്ഥിരമായ പൊതുജന വിശ്വാസം ഒരു പ്രധാന നേട്ടമാണ്. ഇന്ത്യയുടെ പുരോഗതിയിലും നമ്മുടെ സഹപ്രവർത്തകരുടെ ക്ഷേമത്തിലും നമ്മുടെ കൂട്ടായ ശ്രദ്ധ നിലനിൽക്കട്ടെ.‘ എന്നാണ് കമലിന്റെ കുറിപ്പ്.
നേരത്തെ ഇന്ധനം സംരക്ഷിക്കണമെന്ന പ്രധാനമന്ത്രി നരേന്ദ്രമോദിയുടെ ആഹ്വാനത്തിന് പിന്തുണയുമായും കമൽഹാസൻ രംഗത്തെത്തിയിരുന്നു . മുൻപ് പലപ്പോഴും കണ്ണടച്ച് മോദിയെ എതിർത്തിരുന്നയാളാണ് കമൽഹാസൻ . എന്നാൽ ഇപ്പോൾ മോദിയുടെ പ്രവർത്തനങ്ങൾ രാജ്യത്തിന് വേണ്ടിയാണെന്ന തിരിച്ചറിവിലാണ് കമൽ.
