മാഡ്രിഡ്: സ്പെയിനിലെ കത്തോലിക്കാ വൈദികരുടെ ലൈംഗികപീഡനത്തിന് ഇരയായവരുമായി ലിയോ പതിനാലാമന് മാര്പാപ്പ കൂടിക്കാഴ്ച നടത്തി. ‘ഏകദേശം ഒരു മണിക്കൂര് നീണ്ട സംഭാഷണത്തില്, സന്നിഹിതരായ ഓരോരുത്തരും, സ്വന്തം വേദനാജനകമായ അനുഭവങ്ങള് വെളിപ്പെടുത്തി, ഇത്തരം ദാരുണമായ കേസുകളില് സഭയുടെ പ്രതികരണം കൂടുതല് ഫലപ്രദമാക്കാന് ലക്ഷ്യമിട്ടുള്ള നിര്ദ്ദേശങ്ങള് മാര്പ്പാപ്പയ്ക്ക് സമര്പ്പിച്ചു’ മാര്പ്പാപ്പയുടെ പ്രസ് ഓഫീസ് ഡയറക്ടര് ബ്രൂണി പറഞ്ഞു.
‘പാപ്പ വാത്സല്യത്തോടെയും ശ്രദ്ധയോടെയും കേട്ടു, തന്റെയും മുഴുവന് സഭാ സമൂഹത്തിന്റെയും സാമീപ്യം അവര്ക്ക് ഉറപ്പുനല്കി.’പോപ്പ് തങ്ങളുടെ കഷ്ടപ്പാടുകള് സ്വയം ഏറ്റെടുത്തതായി ഇരകള്ക്ക് തോന്നി’ എന്നും ബ്രൂണി കുറിച്ചു.
ഇരകളുടെ സ്വകാര്യതയെ മാനിച്ച് കൂടുതല് വിവരങ്ങള് വെളിപ്പെടുത്തിയില്ല.
