ചെന്നൈ: മസിലുപിടിക്കാതെ, ഒരു കൂട്ടുകാരനെപ്പോലെ മുഖ്യമന്ത്രി മുന്നില് നിന്നപ്പോള് നോര്വെ ചെസ് കിരീടം ചൂടി തമിഴ്നാട്ടില് എത്തിയ പ്രജ്ഞാനന്ദയ്ക്ക് അത്ഭുതം. ലോക് ചെസ് രാജാവായ മാഗ്നസ് കാള്സനെ രണ്ട് തവണ തോല്പിച്ച പ്രജ്ഞാനന്ദയുമായി ചെസില് ഒരു കൈ നോക്കാനും വിജയ് മറന്നില്ല.
പ്രജ്ഞാനന്ദയും വിജയും ചെസ് കളിക്കുന്നു:
TN CM Vijay awarded ₹50 Lakh to R Praggnanandhaa and also plays a chess game with him. 😄 pic.twitter.com/nbOb0u3Dwa
— Mufaddal Vohra (@mufaddal_vohra) June 8, 2026
ഈ കളിയില് പക്ഷെ വിജയിനെ പ്രജ്ഞാനന്ദ തോല്പിച്ചു. പക്ഷെ മുഖ്യമന്ത്രി നന്നായി കളിച്ചു. ഇദ്ദേഹം ഇത്രയും മികച്ച ചെസ് താരമാണെന്ന് ഒരിയ്ക്കലും കരുതിയില്ലെന്ന് പ്രജ്ഞാനന്ദയുടെ അഭിനന്ദനം. പ്രജ്ഞാനന്ദയ്ക്ക് വിലപിടിച്ച സമ്മാനങ്ങളും 50 ലക്ഷം രൂപയുടെ ചെക്കും ജോസഫ് വിജയ് നല്കി.
നോര്വ്വെയില് മാഗ്നസ് കാള്സനെ തോല്പിക്കുക മാത്രമല്ല, ഏഴാം റൗണ്ടിന് ശേഷം നാല് ലോകോത്തര പ്രതിഭകളെയാണ് ക്ലാസിക് ഗെയിമുകളില് തോല്പിച്ച് പ്രജ്ഞാനന്ദ നോര്വെ കീരിടം സ്വന്തമാക്കിയത്. അപ്രതീക്ഷിതമായിരുന്നു പ്രജ്ഞാനന്ദയുടെ പടയോട്ടം. മാഗ്നസ് കാള്സന്, ജര്മ്മനിയുടെ വിന്സെന്റ് കെയ്മര്,ചെസിലെ ലോക ചാമ്പ്യന് ഗുകേഷ്, ഫ്രാന്സിന്റെ അലിറെസ ഫിറൂഷ എന്നിവരെയാണ് പ്രജ്ഞാനന്ദ തോല്പിച്ചത്. ഏഴാം റൗണ്ട് തുടങ്ങുന്നതിന് മുന്പ് പ്രജ്ഞാനന്ദയ്ക്ക് ഒരു ശതമാനം മാത്രമേ കിരീടസാധ്യതയുള്ളൂ എന്ന് കളിയില് അതുവരെ മുന്നിട്ട് നിന്നിരുന്ന അമേരിക്കന് ഗ്രാന്റ് മാസ്റ്റര് വെസ്ലി സോ പ്രസ്താവിക്കുകയും ചെയ്തിരുന്നു.അതിന് ശേഷമാണ് പ്രജ്ഞാനന്ദ കൊടുങ്കാറ്റായത്. ലോകമാധ്യമങ്ങള് മുഴുവന് പ്രജ്ഞാനന്ദയെ വാഴ്ത്തിയിരുന്നു.
