പ്രഥമ ലോകകപ്പില് പങ്കെടുത്ത നാല് യൂറോപ്യന് ടീമുകളില് ഒന്ന് എന്ന മേന്മ അവകാശപ്പെടാനുള്ള ടീം ആണ് ഫ്രാന്സ്. രണ്ട് തവണ ജേതാക്കളായി, 1998ലും 2018ലും. ഇതു കൂടാതെ രണ്ട് തവണ വീതം റണ്ണറപ്പുകളും മൂന്നാം സ്ഥാനക്കാരുമായിട്ടുണ്ട്. 1962, 1970, 1974, 1990, 1994 ലോകകപ്പുകളില് യോഗ്യത നേടാനായില്ല. 1982, 1986 ലോകകപ്പുകളില് തുടര്ച്ചയായി സെമിയില് പ്രവേശിച്ച ടീം തുടര്ന്നുള്ള രണ്ട് ലോകകപ്പുകളില് കളിച്ചില്ല. 1998ല് കിരീടം നേടിക്കൊണ്ട് ഗംഭീര തിരിച്ചുവരവാണ് നടത്തിയത്. കഴിഞ്ഞ പത്ത് വര്ഷമായി ലോക ഫുട്ബോളില് സ്ഥിരതയോടെ മികച്ച ഫുട്ബോള് തുടരുന്ന ടീം ആണ് ഫ്രാന്സ്.
നോര്വേ
നാലാം തവണയാണ് ടീം ലോകകപ്പ് ഫുട്ബോള് കളിക്കാനൊരുങ്ങുന്നത്. ആദ്യമായി യോഗ്യത നേടിയത് 1938ല്. പിന്നീട് നീണ്ട ഇടവേളയ്ക്ക് ശേഷം 1994ല്, തൊട്ടടുത്ത ഫ്രാന്സ് ലോകകപ്പില് കളിച്ച ശേഷം ഇപ്പോഴാണ് വീണ്ടും വരുന്നത്. 1938ല് പ്രീക്വാര്ട്ടറിലെത്തിയ ടീം 12-ാം സ്ഥാനം വരെയെത്തിയതാണ് ഏറ്റവും വലിയ നേട്ടം.
സെനഗല്
2002 കൊറിയ ജപ്പാന് ലോകകപ്പിലാണ് ആദ്യമായി ലോകകപ്പ് കളിക്കാനെത്തിയത്. അക്കൊല്ലം ചാമ്പ്യന് ടീമായി ഇറങ്ങിയ ഫ്രാന്സിനെ ഉദ്ഘാടന മത്സരത്തില് അട്ടിമറിച്ചുകൊണ്ടായിരുന്നു തുടക്കം. ലോക ഫുട്ബോള് കണ്ട വലിയ അട്ടിമറികളില് ഒന്നായിരുന്നു അത്. അക്കൊല്ലം ക്വാര്ട്ടര് വരെ മുന്നേറാന് ടീമിന് സാധിച്ചു. പിന്നീട് നീണ്ട ഇടവേളയ്ക്ക് ശേഷം 2018, 2022 ലോകകപ്പുകളില് കളിച്ചു. കഴിഞ്ഞ തവണ നോക്കൗട്ടില് പ്രവേശിച്ചെങ്കിലും ആദ്യ മത്സരത്തില് തന്നെ പരാജയപ്പെട്ടു.
ഇറാഖ്
ചരിത്രത്തില് രണ്ടാം തവണ മാത്രമാണ് ഏഷ്യന് ടീമായ ഇറാഖ് ലോകകപ്പ് ഫുട്ബോളില് കളിക്കാനെത്തുന്നത്. ഇതിന് മുമ്പ് 1986 മെക്സിക്കന് ലോകകപ്പില് കളിച്ച ടീം ഗ്രൂപ്പ് ഘട്ടത്തില് തന്നെ തോറ്റ് പുറത്തായി. കളിച്ച മൂന്ന് മത്സരങ്ങളില് മൂന്നും പരാജയപ്പെടുകയായിരുന്നു. ഒരു ഗോള് നേടാനായി എന്നത് മാത്രമാണ് ആശ്വാസം.
