ന്യൂദല്ഹി: കടുത്ത ഭിന്നത നിലനില്ക്കെ, ദുര്ബലരായ ചെറുകക്ഷികളെ ഉള്പ്പെടുത്തി തിങ്കളാഴ്ച ‘ഇന്ത്യ ജന്ബന്ധന്’ യോഗം ചേരാനുള്ള തയ്യാറെടുപ്പിലാണ് കോണ്ഗ്രസ്. പ്രധാന കക്ഷികളായ ഡിഎംകെ, സിപിഎം, ജെഎംഎം എന്നിവ പങ്കെടുക്കില്ലെന്ന് പ്രഖ്യാപിച്ചെങ്കിലും പിളര്ന്ന് തീരാറായ തൃണമൂല് കോണ്ഗ്രസിന്റെ നിര്ബന്ധത്തിനു വഴങ്ങിയാണ് യോഗം ചേരുന്നത്. യോഗത്തില് 23 പാര്ട്ടികള് പങ്കെടുക്കുമെന്നാണ് എക്സിലെ ഒരു പോസ്റ്റില് കോണ്ഗ്രസ് ജനറല് സെക്രട്ടറി (കമ്മ്യൂണിക്കേഷന്സ്) ജയറാം രമേശ് അവകാശപ്പെട്ടത്. എന്നാല് അത് ഏതൊക്കെ കക്ഷികളാണെന്ന് വ്യക്തമാക്കിയിട്ടില്ല.
തമിഴ്നാട്ടില് കോണ്ഗ്രസ് ടിവികെയുമായി ചേര്ന്നതിനെത്തുടര്ന്നാണ് ഡിഎംകെ ഇന്ഡി സഖ്യം വിട്ടത്. കോണ്ഗ്രസിന്റെ തീരുമാനത്തെ ‘വഞ്ചന’ എന്നാണ് സ്റ്റാലിന് വിശേഷിപ്പിച്ചത്. കേരളത്തിലെ തങ്ങളുടെ പ്രധാന എതിരാളിയായ കോണ്ഗ്രസ് അധികാരത്തിലേറിയ പശ്ചാത്തലത്തില് കോണ്ഗ്രസിനൊപ്പം കസേരയിട്ട് ഇരിക്കാനാവില്ലെന്നതാണ് സിപിഎമ്മിന്റെ പ്രശ്നം. തങ്ങളുടെ ഗതികേട് ചൂണ്ടിക്കാട്ടി ജനറല് സെക്രട്ടറി എംഎ ബേബി, ഇന്ഡി സഖ്യത്തിലെ മറ്റ് പങ്കാളികള്ക്ക് കത്തെഴുതിയിരുന്നു. ജാര്ഖണ്ഡില് രണ്ട് രാജ്യസഭാ സീറ്റുകളില് ഒന്നിലേക്ക് കോണ്ഗ്രസ് ഏകപക്ഷീയമായി സ്ഥാനാര്ത്ഥിയെ പ്രഖ്യാപിച്ചതില് പ്രതിഷേധിച്ചാണ് ജെഎംഎം വിട്ടു നില്ക്കുന്നത്.
സ്വന്തം കാരണങ്ങളാല് ഈ യോഗത്തില് പങ്കെടുക്കാന് കഴിയാത്ത ചില പാര്ട്ടികളുണ്ടെന്ന് തന്റെ പോസ്റ്റില് ജയറാം രമേശ് തന്നെ സമ്മതിക്കുന്നുണ്ട്.
ഇന്ഡി സഖ്യത്തിന്റെ ‘ഇന്ത്യ ജന്ബന്ധന്’ പ്രഹസനമാകും, പങ്കെടുക്കില്ലെന്ന് ഡിഎംകെ, സിപിഎം, ജെഎംഎം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.