തിരുവനന്തപുരം: പേഴ്സണല് സ്റ്റാഫിലെ ബന്ധു നിയമന വിവാദത്തിന്റെ പശ്ചാത്തലത്തില് മന്ത്രി സണ്ണി ജോസഫിന്റെ സഹോദരീ ഭര്ത്താവ് ബെന്നി തോമസ് രാജി വെച്ചു. രാജിക്കത്ത് മുഖ്യമന്ത്രി വിഡി സതീശന് കൈമാറി.
ബന്ധു നിയമന വിവാദത്തെ ചൊല്ലി കഴിഞ്ഞ ദിവസത്തെ കെപിസിസി യോഗത്തില് സണ്ണി ജോസഫിനെതിരെ ശക്തമായ വിമര്ശനം ഉയര്ന്നിരുന്നു. എന്നാല്, വിമര്ശനമുണ്ടായിട്ടും ബന്ധു നിയമനത്തെ ന്യായീകരിച്ച് മന്ത്രി സണ്ണിജോസഫ് വീണ്ടും രംഗത്തെത്തിയിരുന്നു.
ബന്ധുവെന്ന നിലയിലല്ല, പൊതു പ്രവര്ത്തനരംഗത്തെ പരിചയ സമ്പത്ത് കണക്കിലെടുത്താണ് ബെന്നി തോമസിനെ നിയമിച്ചതെന്ന് കെപിസിസി യോഗത്തിന് ശേഷം മന്ത്രി പറഞ്ഞിരുന്നു. നിയമപരമായ തടസമില്ലെന്നും ചൂണ്ടിക്കാട്ടിയിരുന്നു.
ബെന്നി തോമസിനെ മന്ത്രിയുടെ അഡീഷണല് പ്രൈവറ്റ് സെക്രട്ടറിയാക്കിയതാണ് വിവാദമായത്. ഇടത് കാലത്തെ ബന്ധുനിയമനത്തിനെതിരെ ശക്തമായി പ്രതികരിച്ച യുഡിഎഫ് അധികാരത്തിലെത്തിയപ്പോള് പറഞ്ഞതെല്ലാം മറന്നുവെന്നായിരുന്നു വിമര്ശനം.
