വാക്കുകൊണ്ടേയെനിക്കാവതുള്ളൂ
നിന്റെ വാതില്ക്കല്വന്നു
വിളിച്ചുണര്ത്താന്
വാക്കുകൊണ്ടേയെനിക്കാവതുള്ളൂ
നിന്റെ ജാലകവാതില് തുറന്നു
വെയ്ക്കാന്
വാക്കുകൊണ്ടേയെനിക്കാവതുള്ളൂ
നിന്റെനാനാവിധങ്ങളെ
തൂത്തൊതുക്കാന്
വാക്കുകൊണ്ടേയെനിക്കാവതുള്ളൂ
നിന്റെയാധിതന് വേപഥുപുല്കിയാറ്റാന്
വാക്കുകൊണ്ടേയെനിക്കാവതുള്ളൂ
നിന്റെവ്യാധിയെക്കാരൗഷധക്കൂട്ടുനല്കാന്
വാക്കുകൊണ്ടെയെനിക്കാവതുള്ളൂ
നിന്റെദുഃഖത്തിലൂന്നിക്കുതിപ്പതേക്കാന്
വാക്കുകൊണ്ടേയെനിക്കാവതുള്ളൂ
നിനക്കേകാഗ്രമുന്മേഷഭാവമേകാന്
വാക്കുകൊണ്ടേയെനിക്കാവതുള്ളൂ
നിനക്കക്ഷീണകര്മ്മത്തുടര്ച്ചയേകാന്
വാക്കുകൊണ്ടേയെനിക്കാവതുള്ളൂ
ശീതചന്ദ്രികാസുസ്മിതംചുണ്ടിലേകാന്
വാക്കുകൊണ്ടേയെനിക്കാവതുള്ളൂ
നിന്റെസാന്നിധ്യമൊക്കയുംധന്യമാക്കാന്
വാക്കുകൊണ്ടേയെനിക്കാവതുള്ളൂ
നിന്നെനിദ്രയില്നീന്തിത്തുടിച്ചു
ലര്ത്താന്
വാക്കുകൊണ്ടെയെനിക്കാവതുള്ളൂ
നിന്റെ ജീവിതം സാധനാപൂര്ണ്ണമാക്കാന്
വാക്കുകൊണ്ടെയെനിക്കാവതുള്ളൂ
നീന്റെയാനന്ദധാരയെ വീണ്ടെടുക്കാന്
വാക്കുകൊണ്ടെയെനിക്കാവതുള്ളൂ
സത്യധീമധുതൂവെളിച്ചത്തെയേകാന്
വാക്കുകൊണ്ടെയെനക്കാവതുള്ളൂ
വിശ്വവീഥിയില്നിന്നെയനുനയിക്കാന്
വാക്കുകൊണ്ടെയെനിക്കാവതുള്ളൂ
നീന്നെയാശ്വാസമായൊരാദര്ശമാക്കാന്!
വാക്കുക്കെണ്ടെയെനിക്കവതുള്ളൂ
നിന്റെ വിശ്വരൂപത്തെ വിടര്ത്തി
നല്കാന്
വാക്കുകൊണ്ടെയെനിക്കാവതുള്ളു
നന്മ സങ്കല്പ്പപൂര്ണ്ണതയേകുവാനും
വാക്കുകൊണ്ടെയെനിക്കവതുള്ളൂ
വീതരാഗിയേപ്പോലെവിചാരമോതാന്
വാക്കുകൊണ്ടെയെനിക്കാവതുള്ളൂ
നിന്നസാന്നിധ്യങ്ങള് കാവ്യമാക്കാന്
വാക്കുകൊണ്ടെ നമുക്കാവതുള്ളൂ
ദീര്ഘദൂരതമാത്രയില്താണ്ടിയെത്താന്
വാക്കുകൊണ്ടെ നമുക്കാവതുള്ളൂ
ശ്വാസമേകുവാന് ജീവന് തിരിച്ചു
നല്കാന്
ജന്മഭൂമി ഓണ്ലൈന്