ബീജിംഗ് : മൊബൈല് ഫോണുകളില് സീരിയല് ക്ലിപ്പുകളായി സംപ്രേഷണം ചെയ്യുന്ന മൈക്രോ ഡ്രാമകളില് അക്രമവും ലൈംഗികതയും കലര്ത്തുന്നത് കര്ശനമായി നിയന്ത്രിക്കാന് ചൈന.
അല്പ്പം അശ്ലീലം, വിവാഹത്തെയും കുടുംബ ബന്ധങ്ങളെയും കുറിച്ചുള്ള വികല വീക്ഷണങ്ങള്, അക്രമം, ആഡംബര പ്രകടനങ്ങള് തുടങ്ങിയ ഉള്ളടക്കത്തെയാണ് നിയന്ത്രണം ലക്ഷ്യമിടുന്നതെന്ന് നാഷണല് റേഡിയോ ആന്ഡ് ടെലിവിഷന് അഡ്മിനിസ്ട്രേഷന് വ്യക്തമാക്കി.
വിവാഹങ്ങളെ പ്രോത്സാഹിപ്പിക്കുകയും ദോഷകരമായ പ്രത്യയശാസ്ത്രങ്ങള് ഓണ്ലൈനില് പ്രചരിക്കുന്നത് നിരുത്സാഹപ്പെടുത്തുകയും ചെയ്യുന്ന ചൈനീസ് സര്ക്കാരിന്റെ മാറിയ നയത്തിന്റെ ഭാഗമായാണിത്.
ഇത്തരം മൈക്രോ ഡ്രാമകള് സമീപ വര്ഷങ്ങളില് ആഗോളതലത്തില് വന് ജനപ്രീതി നേടിയിട്ടുണ്ട്. കാഴ്ചക്കാരെ മൊബൈല് സ്ക്രീനില് തന്നെ തളച്ചിടും വിധം അഡിക്ഷന് വളര്ത്തുകയും ചെയ്യുന്നു. ഇതിനെതിരെ വിമര്ശനങ്ങള് ഉയര്ന്നുവന്നതോടെയാണ് നടപടിക്കുളള നീക്കം.
അക്രമം, ലൈംഗികത.. മൊബൈല് ഫോണുകളില് തരംഗമായി മാറിയ മൈക്രോ ഡ്രാമകള് നിയന്ത്രിക്കാന് ചൈനീസ് സര്ക്കാര്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.