ഓസ്ലോ: നോര്വ്വെ ചെസ്സില് സ്വന്തം നാട്ടുകാരുടെ മുന്പില് തുടര്ച്ചയായി ക്ലാസിക് ഗെയിമുകളില് തോല്വി ഏറ്റുവാങ്ങിയ മാഗ്നസ് കാള്സന് ഒടുവില് അത് സമ്മതിച്ചു:”എനിക്ക് വയസ്സായിത്തുടങ്ങി.”ഒരു മാധ്യമത്തിന് നല്കിയ അഭിമുഖത്തിലാണ് മാഗ്നസ് കാള്സന് ഇക്കാര്യം തുറന്നടിച്ചത്. ഇന്ത്യന് താരം പ്രജ്ഞാനന്ദയോട് രണ്ട് തവണയാണ് നോര്വ്വെ ചെസ്സില് മാഗ്നസ് കാള്സന് പരാജയപ്പെട്ടത്.
സുദീര്ഘമായി ചിന്തിക്കാന് സമയം അനുവദിക്കുന്ന ഗെയിമാണ് ക്ലാസ് ഗെയിം. 40 നീക്കങ്ങള്ക്ക് രണ്ട് മണിക്കൂര് വരെ അനുവദിക്കുന്നതിനാല് സാധാരണ അബദ്ധങ്ങള് പിണയുക പതിവാണ്. പ്രത്യേകിച്ചും കാള്സനെപ്പോലെയുള്ള ഒരാള്. പക്ഷെ ഇക്കുറി നോര്വ്വെ ചെസ്സില് കാള്സന് ക്ലാസിക് ഗെയിമില് മൂന്ന് തവണ തോറ്റു. രണ്ടെണ്ണം പ്രജ്ഞാനന്ദയോട്. ഒരെണ്ണം അമേരിക്കന് താരം വെസ്ലി സോയോട്. ഇതിനെ തുടര്ന്ന് തുടര്ച്ചയായി നോര്വ്വെ മാധ്യമങ്ങളില് മാഗ്നസ് കാള്സനെതിരെ വന്വിമര്ശനങ്ങള് ഉയരുകയാണ്.
കഴിഞ്ഞ 20 വര്ഷമായി ലോകചെസ് റാങ്കിങ്ങളില് ഒന്നാം സ്ഥാനം നിലനിര്ത്തുന്ന താരമാണ് മാഗ്നസ് കാള്സന്. സാവധാനം കളിക്കുന്ന ക്ലാസ് ഗെയിമായാലും അതിവേഗ ചെസ്സായ ലൈറ്റ് നിങ്ങ് ചെസ്സിലും ഒരുപോലെ മിന്നുന്നതാരമാണ് മാഗ്നസ് കാള്സന്.
“19 വര്ഷത്തിന് ശേഷം ഇതാദ്യമായാണ് ഒരാള് മാഗ്നസ് കാള്സനെ രണ്ട് തവണ തോല്പച്ചത്. എങ്ങിനെ മാഗ്നസ് കാള്സനെ തോല്പിച്ചു.? എന്തെങ്കിലും രഹസ്യമുണ്ടോ?”-നോര്വ്വെയില് മാധ്യമപ്രവര്ത്തകയുടെ ചോദ്യത്തിന് പ്രജ്ഞാനന്ദയുടെ ചഉത്തരം ലളിതം. “സീക്രട്ടൊന്നുമില്ല. വെറും ഭാഗ്യം. മാഗ്നസ് കാള്സന് മികച്ച പ്രകടനമാണ് നടത്തിയത്. രണ്ട് തരത്തില് ഞാന് സമ്മര്ദ്ദം നല്കാന് ശ്രമിച്ചു. ബോര്ഡിലും സമയത്തിലും. ഞാന് പരമാവധി ശാന്തത പുലര്ത്താന് ശ്രമിച്ചു. പക്ഷെ അദ്ദേഹം വിചിത്രമായ രീതിയില് ചില അബദ്ധങ്ങള് കാണിച്ചു. സാധാരണ കാള്സനില് നിന്നും ഇത് പ്രതീക്ഷിക്കാന് കഴിയില്ല. ലൈറ്റ്നിങ്ങ് ചെസ്സിലാണെങ്കില് പോലും അബദ്ധങ്ങള് കാണിക്കാത്തയാളാണ് കാള്സന്. അര്ദ്ധരാത്രി ഉറക്കത്തില് നിന്നും തട്ടിവിളിച്ചുണര്ത്തിയാല് പോലും രാജാവിനെ കൃത്യമായ കള്ളിയില് നിരത്തുന്ന താരമാണ് കാള്സന്. ഒരു പക്ഷെ എന്തോ കടുത്ത പരിഭ്രാന്തി അദ്ദേഹത്തിനുണ്ടായിരിക്കണം. അതല്ലെങ്കില് കടുത്ത സമ്മര്ദ്ദത്തിനടിപ്പെട്ടാലും അങ്ങിനെ സംഭവിക്കാം.”-
