ചെന്നൈ : ‘ ഞാൻ നിങ്ങളുടെ ‘പ്രധാന സേവകൻ’ പ്രധാനമന്ത്രിയായി ചുമതലയേറ്റ ശേഷം ആദ്യ പ്രസംഗത്തിൽ തന്നെ നരേന്ദ്രമോദി പറഞ്ഞ വാക്കുകളാണിത് . ഇന്ന് തമിഴ് ജനത ഒരിക്കൽ കൂടി ഈ വാക്കുകൾ കേട്ടു. പറഞ്ഞത് മറ്റാരുമല്ല ജോസഫ് വിജയ് എന്ന തമിഴ്നാട് മുഖ്യമന്ത്രിയാണ്.തിരുച്ചിറപ്പള്ളിയില്‍ നടന്ന പൊതുയോഗത്തില്‍ സംസാരിക്കവേയായിരുന്നു മോദിയെ അനുകരിച്ചുള്ള വിജയുടെ പ്രസംഗം.
ദിവസങ്ങൾക്ക് മുൻപാണ് വിജയ് ഡൽഹിയിലെത്തി പ്രധാനമന്ത്രി നരേന്ദ്രമോദിയുമായി കൂടിക്കാഴ്‌ച്ച നടത്തിയത്. അതുകൊണ്ട് തന്നെ മോദി ഇഫക്ടാണോ വിജയിൽ പ്രതിഫലിക്കുന്നതെന്നാണ് സമൂഹമാധ്യമത്തിൽ ഉയരുന്ന ചോദ്യം. നേരത്തെ വിജയുടെ സത്യപ്രതിജ്ഞ ചടങ്ങിൽ വന്ദേമാതരം പൂർണ്ണമായും ആലപിച്ചതും ഏറെ ശ്രദ്ധ നേടിയിരുന്നു.
സ്റ്റാലിൻ അധികാരത്തിൽ ഇരുന്നപ്പോൾ വന്ദേമാതരത്തെ ചൊല്ലി പലതവണ കേന്ദ്രസർക്കാരുമായും, ഗവർണറുമായും ഏറ്റുമുട്ടിയിരുന്നു. എന്നാൽ വിജയുടെ സത്യപ്രതിജ്ഞാ ചടങ്ങിൽ വന്ദേമാതരം ചൊല്ലി കേന്ദ്രസർക്കാരിനോടുള്ള ചായ്വ് വ്യക്തമാക്കിയിരുന്നു. അതിനു പിന്നലെയാണ് ഇന്ന് മോദിയെ വാക്കുകൾ കൊണ്ട് അനുകരിച്ച് വിജയ് രംഗത്തെത്തിയത്.
